UMOYO WATHU WACIKHIRISTU

October 31–November 6

Wa Mboni za Yehova agaŵila munthu khadi yongenela pa Webusati yathu

Kodi Mumaseŵenzetsa Makadi Ongenela pa Webusaiti Yathu?

Nchito yolalikila ifunika kucitika mwamsanga cifukwa cisautso cacikulu cayandikila. (Miy. 24:11, 12, 20) Tingaseŵenzetse makadi ongenela pa webusaiti yathu kuti tithandize anthu kucita cidwi na Mau a Mulungu ndi webusaiti yathu. Khadi imeneyi ili na QR khodi yooneka monga kacidindo yopezela vidiyo yakuti, N’cifukwa Ciani Muyenela Kuphunzila Baibulo? QR khodi imeneyi ingathandize munthu kudziŵa zambili, ngakhale kupempha phunzilo la Baibulo. Pali anthu ena amene amakana zofalitsa zathu, koma amalola kupita pa webusaiti yathu. Anthu a conco tiyenela kuwapatsa makadi amenewa. Komabe, musawagaŵile kwa anthu amene alibe cidwi.

Pa zocita za tsiku na tsiku, mungayambe kukambilana na munthu mwa kukamba kuti: “Nili na kanthu kena kamene nifuna kukupatsani. Ni khadi yongenela pa webusaiti imene ili na mavidiyo na nkhani zosiyana-siyana zimene mungaŵelenge.” (Yoh. 4:7) Popeza kuti makadi amenewa ni ang’ono-ang’ono, mukhoza kuwanyamula kuti pakapezeka mpata muzigaŵilako ena.

Khadi yongenela pa Webusati yathu yoonetsa Baibo yotsegula

Khadi yongenela pa Webusati yathu yoonetsa wa Mboni za Yehova aŵelengela Baibo munthu wina

Khadi yongenela pa Webusati yathu yoonetsa wa Mboni za Yehova acita phunzilo la Baibo na banja lina

Kumbuyo kwa khadi yongenela pa Webusati yathu