Cilimikani Pamene Mapeto Ayandikila

CIFUKWA CAKE N’KOFUNIKA: Posacedwa, zocitika zocititsa mantha zidzatiika pa mayeso pankhani ya kulimba mtima kwathu na cidalilo cathu mwa Yehova kuposa kale lonse. Cisautso cacikulu cidzayamba na kuwonongedwa kwa cipembedzo conyenga. (Mat. 24:21; Chiv. 17:16, 17) Pa nthawi ya zocitika zimenezi, mwina tidzayamba kulalikila uthenga waciweluzo woŵaŵa. (Chiv. 16:21) Tidzaukilidwa na Gogi wa Magogi. (Ezek. 38:10-12, 14-16) Pofuna kuteteza anthu ake, Yehova adzabweletsa ‘nkhondo ya tsiku lalikulu la Mulungu Wamphamvuyonse.’ (Chiv. 16:14, 16) Kuti tikhale olimba mtima kwambili poyembekezela zocitika za kutsogolo zimenezi, tifunika kukhala wokhulupilika pamene cikhulupililo cathu ciyesedwa pali pano.

MMENE TINGACITILE:

• Molimba mtima sungani miyezo yapamwamba ya Yehova.—Yes. 5:20

• Pitilizani kulambila pamodzi na Akhristu anzanu.—Aheb. 10:24, 25

• Khalani okonzeka kumvela malangizo ocokela ku gulu la Yehova.—Aheb. 13:17

• Sinkha-sinkhani mmene Yehova anapulumutsila anthu ake m’nthawi yakumbuyo.—2 Pet. 2:9

• Pemphelani kwa Yehova, ndiponso mudalileni.—Sal. 112:7, 8

TAMBANI VIDIYO YAKUTI ZOCITIKA ZAM’TSOGOLO ZIMENE ZIDZAFUNA KULIMBA MTIMA—KAMBALI KAKE, NDIYENO YANKHANI MAFUNSO OTSATILAWA:

• 

  Kodi ofalitsa anakumana na ciyeso cotani pankhani yakumvela pamene mpingo wawo unaphatikizidwa kumipingo ina?

• 

  Kodi kulimba mtima na kumvela zigwilizana bwanji?

• 

  N’cifukwa ciani kulimba mtima n’kofunika pamene Aramagedo ibwela?

• 

  Ni nkhani iti m’Baibo imene ingatithandize kulimbitsa cikhulupililo cathu cakuti Yehova adzakwanitsa kutipulumutsa?—2 Mbiri 20:1-24