Ouwa Patyi Tyieta Okukala Notelitoliu Yove Muene?
1. Otelitoliu yove oityi?
1 Otelitoliu yove oityi? Otyo tyilingwa momauaneno, okulitetalila otyilongo pana pakala ewaneno lietu, ove opewa otelitoliu yove, ikala popepi neumbo liove. Omukanda Organizados, pefo 103 wati: “Okukala notelitoliu popepi neumbo tyikuatesako okuhapesela omuwa ñgeno ankho umanena movilinga viokuivisa. Tupu upondola okukonga ovaivisi vakuenyi opo uundape navo motelitoliu oyo.”
2. Oñgeni otelitoliu yetu ipondola okuundapeswa tyina tuivisa kumwe neuaneno?
2 Ivisa Kumwe Navakuenyi: Inkha una otelitoliu popepi naapa uundapa, upondola okuava oumbangi pomuwo wokuomba ine tyina wamapetuka, hamwe novaivisi vakuenyi vaundapa popepi. Inkha una otelitoliu yove popepi neumbo, ove nombunga yove, tyipondola okumukuatesako okuava oumbangi kokangulohi. Tyotyili, inkha kumetyivili okuenda keliongiyo liovilinga viokuivisa, otyiwa ulikuambele okuita ehongolelo lia Jeova tyina uhenehimbike okuivisa. (Fil. 4:6) Tupu, ove upondola okupola pokati komuwo umanena motelitoliu yove nokuundapela kumwe neuaneno. Haunene konthyulilo yosimano tyina ovaivisi velivasa meliongiyo liovilinga viokuivisa, otyo otyiwa pala okuundapa kumwe notyikundyi.
3. Okukala notelitoliu yove tyieta ouwa patyi?
3 Ouwa: Inkha una otelitoliu yove, una apa moivisa na kese muvo uhanda okuivisa. Ove upondola okuundapa vali omuwo omunyingi movilinga viokuivisa ohamanena momuvo mokueenda. Otyo tyikuatesako okukala ovakokoli-ndyila ine ovakokoli-ndyila vapola pokati. Ngotyo tyina wamavasi una wesuka notyili, tyipepuka okukondoka okukemutalelapo nokumulongesa Ombimbiliya. Ovanyingi vaimbuka okuti okuivisa motelitoliu tyikuatesako omuivisi okuvasa liwa ovanthu nokupameka onthumbi yavo, haunene inkha otelitoliu itavela okundapamo ovikando ovinyingi tyina nkhele ihenepewe omunthu omukuavo. Okuti otelitoliu yove ikukuatesako ove nombunga yove okufuisapo nawa ovilinga vienyi viokuivisa?—2 Tim. 4:5.