Omutungi Wetu Wesuka no Onthue

1. OMUTUNGI WETU UTUNDISA EKUMBI

Ine ankho kutupu ekumbi, ñgeno mouye mutupu natyike tyina omuenyo. Opo omiti viyove, nokuima nawa, viesukisa outokotwe wekumbi. Tyina omutenya wamatokota, omii viomuti vinana omaande pohi, avituala komafo.

Ovifo viokulinga o saa viatuikwa komphunda.

2. OMUTUNGI WETU ULOKESA OMBILA

Huku ulokesa ombila opo iyelese ovikuna. Utuavela ombila, nomphepela, nokulia okunyingi opo tukale nehambu.

3. OMUTUNGI WETU UTUAVELA OKULIA NOMUVALO

Ovohe ovanyingi, vaundapa opo vaovolele ovana okulia nomuvalo. Tala vala etyi Ombimbiliya yapopia, yati: “Talei nawa oviila meulu, kavikunu ombuto, kaviteye, tupu kaviongiya movimbundu, mahi Tate yenyi keulu uviavela okulia. Onwe ka muna vali esilivilo tyipona oviila?” — Mateusi 6:25, 26.

‘Talelei kononthemo mbo mohika oñgeni mbukula. Mahi ndyimupopila okuti, alo umwe Ohamba Salomau wankhimanene unene, kavalele ehiwa ngononthemo. Pahe, inkha Huku uvaleka ovifo vyo mohika, okuti kamemuvaleka vali unene?’ — Mateusi 6:28-30.

Ine Huku utuavela okulia nomuvalo, okuti kametuavela ovipuka ovikuavo tuesukisa? Inkha tulinga etyi Huku etutuma, upondola okutukuatesako, ovilia vietu aviyele. Ine hatyo, upondola okutukuatesako okuvasa ovilinga opo tutyivile okulanda etyi tuesukisa. — Mateusi 6:32, 33.

Tuna ovipuka ovinyingi vitulunda okuhumba Huku. Tyina tusoka kekumbi, nombila, noviila, nononthemo, tumona umwe nawa okuti uhole ovanthu. Monthele mailandulako, matutale oñgeni Omutungi wetu ehole okupopia novanthu.