OSAPI YO KONDYE | OKUTI SATANASI OMUNTHU UMWE?
Okuti Satanasi Okuekahi?
Otyilolo mo Madrid, Espanha, tyilekesa okuti Satanasi oandyu onkhalavi ihena vali evililo
“Ame nekulila ko El Salvador. Tyina ankho nehetavela, me umphopila okuti, ‘Eliapu maliya okukupola!’ Iya ame andyikumbulula okuti, ‘Liye limphole!’ Ame ndyitavela okuti kuna Huku, mahi hitavela okuti kuna Satanasi.”—ROGELIO.
Okuti noove usoka nga Rogelio? Kuove onondaka mbukahi pombuelo ombupi usoka okuti mbaviuka?
Satanasi hamunthu wotyotyili; otyilekeso vala tyovivi.
Satanasi okuekahi, mahi kesukile unene novanthu.
Satanasi oandyu ina epondolo ihongiliya ovanthu.
Kese mbumwe ponondaka ombo, kuna ovanthu vembutavela, hamwe ovanyingi. Mahi tyilityili ombupi puombo, mbaviuka? Ongetyi, inkha Satanasi keko, vana vetavela kwe vayondyua. Inkha Satanasi okuekahi, mahi kesukile novanthu, muaina ovanyingi vena vala owoma tyehena ehunga. Mahi, inkha Satanasi omuyondyi opo omukalavi tyipona etyi ovanthu vasoka.
Tutalei oñgeni Ovihonekwa Vikola vikumbulula omapulo aa: Oityi ine olie Satanasi—otyilekeso tyovivi ine omunthu uhamonua? Inkha omunthu, okuti omukalavi pala ove? Inkha ongotyo, oñgeni moliyakulila?