Okukonga Ovanthu Veye kotyonge
1. Onalupi okambanya kokukonga ovanthu opo veye kotyonge, makahimbika?
1 Ankho upanga okuteekela okulia ombunga yove nomapanga ove, tyesukisa ononkhono nonombongo pala okufuika okulia oko, mahi pokuvekonga ukala nehambu. Tyelifua notyo kukahi nokulingwa ononkhono ononene pala okufuika otyonge matyilingwa menima lino. Putyina kuamakambela onosimanu ononthatu pala otyonge tyihimbike, Jeova metuavela elao likukonga ovanthu veye kotyonge. Oityi matyitukuatesako okukonga ovanthu nehambu?
2. Oityi matyituavela ondundo yokukonga ovanthu?
2 Matukala nombili yokundapa unene mokambanya kokukonga ovanthu, putyina onthue muene tusoka kouwa tupola kondongeso Jeova etuavela movionge. (Isa. 65:13, 14) Tupu tuesukisa okuhinangela okuti otyilinga tyokukonga ovanthu, apeho tyeta ouwa. (Tala okakasa kati: “Okukonga Ovanthu Tyieta Ouwa.”) Ovanthu vamwe tukonga veya, mahi vamwe kaveya. Mahi onkhalelo ovanthu ovanyingi vetavela putyina tulinga ononkhono mbokuvekonga, yeetela omunkhima Jeova nokulekesa okuti omuna-tyali.—Sal. 145:3, 7; Rev. 22:17.
3. Oñgeni omukanda wokukonga mauawa?
3 Ovakulu Vomawaneno aeho vena yokutokola oñgeni mavaave omukanda wokukonga, nonalupi vena yokusapo omukanda oo, tyina vahavasile omunthu meumbo no ñgeni wava mounyingi motyilongo tyavo. Motyasapalo no Motyalumingo Omutala womulavi no Despertai! upondola okuawa mokuenda kuokambanya. Nga muamana okambanya, matukala nehambu enene liokunoñgonoka okuti nonthue tuaundapa iya tuakuatesako ovanthu ovanyingi vetavela aveya kotyonge omu tualongeswa na Jeova!