Okulipongiya Tyesukisa opo Ulongese Nounongo

Jesus walingilwe omapulo evali konthele yomuenyo wahapu, mahi kese epulo, welikumbululile monkhalelo yelikuata netyi tyapulwa. (Luc. 10:25-28; 18:18-20) Moluotyo, namphila tuyale ovipuka ovinyingi Viombimbiliya, mahi tuesukisa okulipongiya tyina matukalongesa omulongwa. Otyipuka patyi omulongwa apondola okuhanoñgonoka nawa? Ombupi ono testu matutange nomulongwa? Ono palagrafu onoñgapi matulilongesa? Tupu upondola okupongiya omalutalatu, no ñgeni mohangununa nawa onthele, nomapulo maakuatesako omulongwa. Tupu, mokonda Jeova oe ukulisa ombuto tukuna, onthue tuesukisa okulinga omalikuambelo tyina tulifuiika opo Jeova ayambe ononkhono mbetu, nomulongwa, natyiho tulinga pala okukuatesako omulongwa akale noupanga omuwa na Huku. —1 Cor. 3:6; Tia. 1:5.