Pameka Ovakristau Vayekapo Okuivisa

Muvali, 11 ya Tyikukutu, Ovakristau ovanyingi vayekapo okuivisa maveya Pehinangelo. Vahimbika onkhalelo omphe yomuenyo mokonda yomahunga omanyingi iya amwe apopiwa mo mbulusula Kondoka ku Jeova. (Heb 12:1) Vana vayekapo okuivisa ku Jeova nkhele vakolela, mokonda wevelanda nohonde Yomona wae. (Atos 20:28; 1 Ped. 1:18, 19) Oñgeni matuvekuatesako opo vakondoke mewaneno?

Ovakulu vewaneno valinga ononkhono mbokuvasa nokukuatesako Ovakristau vayekapo okuivisa ngatyina omunthita wovola ongi yavomba mo nonkhuavo. (Luc. 15:4-7) Otyo tyilekesa oluembia olunene Jeova ena. (Jer. 23:​3, 4) Atuho, tyilinge tuvakulu vewaneno ine katuvakulu vewaneno tupondola okuvekuatesako. Tyina tulinga ononkhono mbokulekesa okankhenda tyihambukiswa Jeova iya tupondola okuyambwa. (Pro. 19:17; Atos 20:35) Mahi, soka nawa oñgeni upondola okuvekuatesako iya tyilinga liwa-liwa!

TYINA MUAMATALE O VIDIU YATI PAMEKA OVAKRISTAU VAYEKAPO OKUIVISA, KUMBULULEI OMAPULO AA:

• Oityi Abbey alinga opo akatalelepo Ombangi imwe ya Jeova ankho ehei?

• Tyina onthue muene tuasoka okukuatesako umwe wayekapo okuivisa, opo omokonda yatyi tuna yokuenda kovakulu vewaneno?

• Oñgeni Abbey elipongiya opo akatalelepo Laura otyikando tyavali?

• Oñgeni Abbey atualako okulekesa oumphua-lundo noluembia etyi ankho ekahi nokukuatesako Laura?

• Oityi tupondola okulilongesila konthengele-popia ya Jesus ikahi mu Lucas 15:8-10?

• Ouwa patyi watundililako pokualinga ononkhono mbokukuatesako Laura?