Baibuli​—Ekitabo ky’Amazima n’Obunabi

Mankind’s Oldest Modern Book ni kimwe aha bicweka bishatu ebya vidiyo eri aha DVD erikwetwa The Bible​—A Book of Fact and Prophecy. Bwanyima y’okureeba vidiyo egi, garukamu ebibuuzo ebi:

(1) Ni mu miringo ki ei Baibuli erikwikirizanamu na sayansi ey’obwire obu? (2) Nitubaasa kuhamya tuta ngu Baibuli eziriho hati zihikire nk’ebyahandiikirwe eby’omu kubanza? (3) Niki ekikuru ekirikushangwa omu bihandiiko bya Baibuli ebya ira? (4) Ni mu miringo ki ei Wycliffe, Johannes Gutenberg, William Tyndale, John Hus, Martin Luther, Casiodoro de Reina, na Charles Taze Russell baahwereire omu kubuzya Ekigambo kya Ruhanga omu nsi yoona, kandi ekanisa ekahiiganisa eta Baibuli? (5) Obuhabuzi bwa Baibuli buhwereire buta abantu kushoboorora oburemeezi nka, amagara mabi (Zab. 34:8), omuze gw’okuteera zaara (1 Tim. 6:9, 10), okutaana hamwe n’okushambana kw’abari omu bushwere (1 Kor. 13:4, 5; Efe. 5:28-33), n’okwemarira aha kusherura eby’obugaiga (Mat. 16:26)? (6) Ni buhame ki oburiho oburikworeka ngu okugyendera aha misingye y’omu Byahandiikirwe nikihwera omuntu kusingura okushoroora omu mahanga, omu nganda n’omu rangi (Luka 10:27)? (7) Ni mu miringo ki ei okuhamira aha misingye ya Baibuli kikureetaire okushemererwa kwingi? (8) Noobaasa kukoresa ota vidiyo egi kuhwera abandi?​—Reeba Our Kingdom Ministry aka Febwari 2006, orupapura 8.