Ku Waakwetenga Obujanjabi bw’Ahonaaho Oyetebeekaniise?
Obumwe nitubaasa kwetenga obujanjabi obw’ahonaaho. (Yak. 4:14) N’ahabw’ekyo, omunyabwengye naaba ayetebeekaniise kare. (Enf. 22:3) Waacwiremu omuringo gw’obujanjabi ogu oyeteekateekire kwikiriza kandi waijwize kaada yaawe? Okukuhwera kucwamu gye, ekibiina kikashohoza vidiyo erikwetwa Transfusion-Alternative Health Care—Meeting Patient Needs and Rights, ekicweka kya kabiri ekiri aha DVD eine omutwe Transfusion-Alternatives—Documentary Series. Waaba noogireeba, teeraho kugarukamu ebibuuzo ebiri ahaifo. Ahabw’okugira ngu omu vidiyo egi harimu ebishushani by’abarikushemezibwa, abazaire bashemereire kucwamu yaaba baraagireebe n’abaana abato. Abaraabe bataine vidiyo egyo bahikaanise ebiteekateeko aha biri ahansi y’omutwe “Ebibuuzo Kuruga omu Bashomi” oguri omu Watchtower eya Gyuni 15, 2004 n’eya Okitoba 15, 2000 nari ebiri aha rupapura orw’omunda orwa Our Kingdom Ministry aka Novemba 2006.
(1) Ahabw’enki abashaho abamwe batandikire kushagika eky’okutatamu abantu eshagama? (2) Ha eby’okureeberaho bishatu eby’okushemeza kw’amaani okw’abarwaire abataratairwemu shagama. (3) Ahabw’enki abashaho baingi omu nsi yoona nibaba beteekateekire kujanjaba abarwaire batabatairemu shagama? (4) Okucondooza okukozirwe omu marwariro kworekire ki aha bikwatiraine n’okukoresa eshagama? (5) Ni kabi ki akari omu kuteebwamu eshagama? (6) Abashaho baingi bagambire ki aha birungi ebirikuruga omu bujanjabi obutarimu kukoresa eshagama? (7) Niki ekirikureetera omuntu kuhwamu eshagama, kandi niki ekirikubaasa kukorwa kuhwera omuntu ohweiremu eshagama? (8) Obutafaari bw’eshagama oburikutukura nibubaasa kwongyerwa buta omu mubiri gw’omurwaire? (9) Niki ekirikukorwa okutuubya aha shagama erikushohora omu kushemeza omurwaire? (10) Obujanjabi obutarimu kukoresa eshagama nibubaasa kukora gye aha baana bato nari abarwaire abari haihi kufa? (11) Ni kintu ki kimwe aha bikuru ebi abashaho baine kwijuka baaba nibajanjaba abarwaire?
Obu okwikiriza bumwe aha bujanjabi oburikworekwa omu vidiyo egi kiri ekya buri omwe kwecweramu arikwihirira aha muntu we w’omunda, otakaategyereza ngu obanze orware reero obone kucwamu obujanjabi obu oraikirize nari obu otaraikirize. Ebiri omu shuura 7 ey’akatabo “Okukunda kwa Ruhanga” n’ebindi ebijuriziibwe hamwe n’ebiri aha rupapura orw’omunda orwa Our Kingdom Ministry aka Novemba 2006 nibibaasa kukuhwera kucwamu gye. Ku oraabe obatiziibwe hamya ngu ebi waacwamu waabiijuza gye aha kaada erikwetwa DPA, kandi teeraho kugyenda nayo obwire bwona.
[Ebigambo ebirikworeka enshonga aha rupapura 3]
Waacwiremu omuringo gw’obujanjabi ogu oyeteekateekire kwikiriza kandi waijwize kaada yaawe?