Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Gyuraayi

“Buri omwe naaba naayenda kugumaho kumara obwire buraingwa, ashemereirwe. Nooteekateeka ngu sayansi n’eby’obujanjabi nibiija kutureetera kugumaho ebiro byona? [Tegyereza agarukyemu.] Yetegyereze ebiri aha.” Mworekye ebiri enyima ya Watchtower eya Gyuraayi 1, reero muhikaanise ebiteekateeko aha biri ahansi y’ekibuuzo ky’okubanza, mushome n’ekyahandiikirwe nka kimwe aha byorekirwe. Muhe na Awake! kandi otebeekanise kugarukayo mugarukemu ekibuuzo ekindi.

Eby’okwetegyerezibwa: Enyanjura egi eshemereire kukoresibwa omu ky’okureeberaho omu ruteerane rw’okwetebeekanisa kuza kubuurira ahari Gyuraayi 6.

Omunaara gw’Omurinzi Gyuraayi 1

“Baingi abu turikuganiira nabo nibagira ngu baine ediini zaabo. Kwonka abandi nibagira ngu tibaakyesiga diini. Iwe ediini noogiteekateekaho ki? [Tegyereza agarukyemu.] Yesu akatuteeraho omutindo ogurikutuhwera kushwijuma ebirikukwata aha diini. [Shoma Luka 6:44a.] Magaziini egi neyoreka ebikorwa bibi by’ediini. Neegarukamu n’ekibuuzo, Hariho ediini ei turikubaasa kwesiga?”

Awake! Gyuraayi

“Twaba nituganiira n’abantu omu kicweka eki aha bikwatiraine—n’obutari buringaaniza. Abamwe nibateeraho kubumaraho barikwesharinga. Noogira ngu abantu abarikwesharinga nibareetaho oburinganiza? [Tegyereza agarukyemu.] Yetegyereze eki Baibuli erikugamba. [Shoma Matayo 6:9, 10.] Magaziini egi negarukamu ekibuuzo, Mbwenu shi okwesharinga kihikire?”

Amakuru Marungi Kuruga Ahari Ruhanga!

“Abu twagamba nabo nibeebuuza ahabw’enki Ruhanga oine rukundo naareka okubonabona kukabaho omu nsi. Nooteekateeka ngu okubonabona nakwo kukaba kuri omu kigyendererwa kya Ruhanga obu yaahanga ensi?” Tegyereza agarukyemu. Muze aha eishomo 5, reero mushome kandi muhikaanise ebiteekateeko aha bucweka bubiri oburikubanza n’ebyahandiikirwe ebiriho ekigambo shoma. Muhe akatabo, reero okore etebeekanisa y’okugarukayo mugarukemu ekibuuzo ekindi ekiri omu nyuguta ezikwatsire.