Oku Twine Kukoresa Foomu Erikwetwa Please Follow Up (S-43)

Foomu egi eshemereire kwijuzibwa waatunga omuntu orikwenda kumanya ebirikukiraho otarikutuura omu kicweka kyanyu nari orikugamba orurimi orw’eihanga erindi. Enyima n’obu turaabe tubaire nitugikoresa twatunga abantu abarikugamba orurimi rw’eihanga erindi yaaba baayoreka ngu nibenda kumanya ebirikukiraho nari bataakyoreka, hati tushemereire kugikoresa twatunga abarikwenda kumanya ebirikukiraho bonka. Kwonka twatunga omuntu ofiire amatu obwo nituba twine kwijuza foomu S-43 yaaba yaayoreka ngu naayenda kumanya ebirikukiraho nari ataakyoreka.

Oshemereire kukora ki waaheza kwijuza foomu egyo? Oshemereire kugiha Omuhandiiki w’ekibiina. Yaaba naamanya ekibiina eki ashemereire kugyoherezamu, naabaasa kugyoherereza abareeberezi b’ekibiina ekyo kugira ngu basherure ogwo orikwenda kumanya ebirikukiraho. Yaaba atarikumanya ekibiina eki ashemereire kugyoherezamu, naija kugyohereza aha ofiisi y’eitaagi.

Omuntu orikwenda kumanya ebirikukiraho yaaba naagamba orurimi rw’eihanga erindi kandi arikutuura omu kicweka kyanyu, noobaasa kuguma noogarukayo aha muntu ogwo, okuhitsya obu omuntu orikugamba orurimi nk’orwe yaatungwa​—Reeba Obuheereza Bwaitu obw’Obukama aka Novemba 2009, orupapura 4.