Okwongyera Kubuurira Gye—Okubuurira Omuntu Orikugamba Orurimi Orundi

Ahabw’Enki Ni Kikuru: Yehova naafayo aha bantu omu by’omwoyo “omu mahanga goona.” (Byak. 10:34, 35) Nikyo Yesu yaayorekiire ngu amakuru marungi garyabuurirwa “omu nsi yoona” hamwe ‘n’omu mahanga goona.’ (Mat. 24:14) Zekaria akaranga ngu abantu kuruga“ omu mahanga aga buri rurimi” baryaikiriza amakuru marungi. (Zek. 8:23) Kurugiirira aha kworekwa kw’entumwa Yohaana, omu baraahonokyeho aha kubonabona kwingi nihaija kuba harimu abantu “abaarugire omu mahanga goona n’enganda zoona n’abantu boona n’endimi zoona.” (Kush. 7:9, 13, 14) N’ahabw’ekyo, twabugana omuntu orikugamba orurimu orundi omu kicweka eki turikubuuriramu, tushemereire kuteeraho kumubuurira.