Tutebeekanisiibwe Kubuurira Abantu Boona

Nk’oku Yehova yaatebeekaniise Abaisraeli, n’omu bunaku obu naatebeekanisa abaheereza be kubaasa kuhikiiriza obujunaanizibwa obu abahaire. Omu nsi yoona, ofiisi z’amataagi, ebyanga, ebibiina, na guruupu z’okubuurira, byona nibikorera hamwe kugira ngu amakuru marungi gabaase kwongyera kubuurirwa. Nitubuurira abantu boona, otwariiremu n’abo abarikugamba endimi ezindi.—Kush 14:6, 7.

Orateekateekire aha kwega orurimi orundi kubaasa kuhwera abandi kwega amazima? N’obu waakuba otaine bwire bw’okwega orurimi orundi, noobaasa kukoresa JW Language app kubaasa kwega enyanjura eyorobi. Bwanyima y’okugikoresa omu kubuurira, noobaasa kugira okushemererwa nk’oku ab’eishe-emwe omu kyasha ky’okubanza baagizire ku baareebire abantu abaabaire nibaruga omu mahanga agandi baashemereirwe ahabw’okuhurira “eby’amaani ebikozirwe Ruhanga” birikugambwa omu ndimi zaabo.—Byak 2:7-11.

MUREEBE VIDIYO BA MUNYWANI WA YEHOVA—BUURIRA OMU RURIMI ORUNDI, REERO MUGARUKYEMU EBIBUUZO EBI:

• 

  Ni ryari obu orikubaasa kukoresa JW Language app?

• 

  Ni bintu ki ebimwe ebirimu?

• 

  Ni ndimi ki ezirikugambwa omu kicweka kyanyu?

• Oshemereire kukora ki omuntu orikugamba orurimi orundi yaayoreka ngu naayenda kumanya ebirikukiraho ebirikukwata aha Bukama?—od-E 100-101 kacw. 39-41