Okwongyera Kubuurira Gye​—Okubuurira Buri Omwe omu Kicweka Kyaitu

AHABW’ENKI KIRI KIKURU: Nabi Zekaria akaranga ngu abantu abarikuruga omu mahanga aga buri rurimi bakaba nibaija kukunda amakuru marungi. (Zek 8:23) Kwonka shi n’oha oraabeegyese? (Rom 10:13-15) Twine omugisha n’obujunaanizibwa bw’okubuurira buri omwe ori omu kicweka kyaitu amakuru marungi.​—od-E 84 kacw. 10-11

OKU TURIKUBAASA KUKIKORA:

• Tebeekanisa. Nookira kubugana abantu abarikugamba orurimi orundi? Noobaasa kukoresa JW Language app kwega enyanjura ezoorobi. Nari orikukoresa esimu nari tabuleti, noobaasa kworeka omuntu oku arikubaasa kutunga ebirikukiraho omu rurimi rwe aha jw.org

• Teeraho kwetegyereza. Waaba noobuurira enju aha nju, teeraho kubuurira buri omwe, otwariiremu n’abahinguzi nari abategyereize emotoka. Waaba nookoresa akagaari nari emeeza omu myanya erikuba erimu abantu baingi, ta omutima aha kubuurira

• Ba omweziriki. Teeraho kugarukayo aha bu otarashangire muka omurundi gw’okubanza. Teeraho kugamba n’omuntu ahari buri nju, omu bwire butari bumwe nari aha mazooba gatari gamwe omu saabiiti. Abamwe nitubaasa kubahandiikira ebaruha, kubateerera esimu, nari kubabuurira kitaraariire

• Garukayo. Rahuka kugarukayo ahari abo aboorekire ngu nibakunda amazima. Omuntu yaagamba orurimi orundi, teeraho kusherura ow’okumuhwera orikugamba orurimi nk’orwe. Guma noogarukira omuntu ogwo kuhitsya waatunga omuntu orikugamba orurimi nk’orwe.​—od-E 94 kacw. 39-40

MUREEBE VIDIYO OKUBUURIRA OMU BICWEKA BY’ENSI EBYA HARE, REERO MUGARUKYEMU EBIBUUZO EBI:

• 

  Ab’eishe-emwe na banyaanyazi-itwe bakakora ntebeekanisa ki kuza kubuurira omu kicweka kya hare? (1Kor 9:22, 23)

• 

  Bakasingura buremeezi ki?

• 

  Bakatunga birungi ki?

• Noobaasa kukora ki kubaasa kuhika aha bantu baingi omu kicweka kyanyu?