“Mubahe Zaamagaziini Enkuru Nari Burocuwa Yoona Ei Baraakunde”

Omu meezi agu turikuba nitugaba akatabo Eki Baibuli Erikwegyesa kandi tukateeraho kutandika kwegyesa abantu Baibuli aha murundi gw’okubanza kubabuurira, ku barikuba baakatungire kwonka batarikwikiriza kwegyesibwa Baibuli, nituhigwa ‘kubaha zaamagaziini enkuru nari burocuwa yoona ei baraakunde.’ Ahabw’enki?

Zaaburocuwa na zaamagaziini enkuru nizigamba aha bintu bitari bimwe na bimwe. Kimwe aha bizirimu nikibaasa kushemeza ou orikubuurira. N’ahabw’ekyo, waaba nootebeekanisa enshaho yaawe y’okubuurira, tamu zaaburocuwa zitari zimwe na zimwe na zaamagaziini enkuru. Ku oraabe otaine zaamagaziini enkuru, noobaasa kuzishaba ahu murikutungira zaamagaziini. Ou orikubuurira yaaba yaatungire akatabo Eki Baibuli Erikwegyesa kwonka atarikwikiriza kwega Baibuli, noobaasa kumworeka zimwe ahari zaamagaziini nari zaaburocuwa ezi oine reero omushabe kutwaraho ezi araakunde. Reero bwanyima, kora entebeekanisa kugarukayo kumuhwera kwongyera kumanya ebirikukiraho. Obundi naabaasa kurugaho aikirize kwega Baibuli.