Omuringo Gumwe gw’Okukoresa Akatabo Bible’s Message

Baingi omu kicweka kyaitu, okukira munonga abo abari omu diini ezitari z’Ekikristaayo, tibarikumanya ebiri omu Baibuli. Ababuurizi abamwe ku barikuba nibeega Baibuli n’abantu nk’abo omu katabo Eki Baibuli Erikwegyesa, nibakoresa n’akatabo Bible’s Message kubahwera kumanya eki Baibuli erikugambaho. Nk’eky’okureeberaho, ow’eishe-emwe omwe naayanjura ekicweka ky’okubanza eky’akatabo ako yaaba naayega n’omuntu eshuura ya kashatu ey’akatabo Eki Baibuli Erikwegyesa. Bwanyima, naaguma naayanjura ekicweka ekirikukurataho buri kuheza kwega. Nooyega n’omuntu orikumanya bikye nari otaine ki arikumanya ahari Baibuli? Kubaasa kumuhwera kwega ‘Ebyahandiikirwe ebirikwera ebirikubaasa kumuhaisa obwengye bw’okumuhabura omuhanda gw’okujunwa,’ noobaasa kwega nawe ebiri omu katabo Bible’s Message kwongyerera aha biri omu katabo Eki Baibuli Erikwegyesa.—2 Tim. 3:15.