RUBIIKE
Nookoresa Zaaburocuwa Ezi?
The Bible—What Is Its Message?
Etebeekanisiibwe kuhwera abo abatarikumanya bingi ahari Baibuli, okukira munonga abo abari omu madiini agatarikwikiririza omuri Kristo
Oku turikubaasa kugigaba: “Ninkushaba ongambire eki orikuteekateeka aha biri omu Kyahandiikirwe eki (nari omu kitabo eki ekirikwera). [Shoma Zaaburi 37:11, ekyahandiikirwe eki nikigambwaho omu kicweka 11.] Nooteekateeka ngu ensi neija kuba neeshusha eta obunabi obu ku buraahikiirire? [Tegyereza agarukyemu.] Eki ni kimwe aha matsiko n’okuhuumurizibwa ebi abantu b’enganda zoona n’enyikiriza zoona barikubaasa kutunga kuruga omu Baibuli.” Mushomere ebiri omu kacweka akari aha mutwe gw’orupapura 3, reero omuhe burocuwa.
Noobaasa kukuratira obuhabuzi obu: Ku oraabe nooyegyesa Baibuli omuntu ori omu diini etarikwikiririza omuri Kristo omu katabo Eki Baibuli Erikwegyesa, koresa edakiika nkye mutakatandikire kwega nari mwaheza kwega, kugaaniira nawe aha biri omu kicweka kimwe ekya burocuwa egi kumuhwera kumanya eki Baibuli erikugambaho.
A Book for All People
Etebeekanisiibwe kuhwera abantu abeegire munonga kwonka abatarikumanya bingi ahari Baibuli
Oku turikubaasa kugigaba: Shoma 2 Timoseo 3:16, 17, reero obuuze oti: “Noikirizana n’ekyahandiikirwe eki ngu Baibuli ekahandiikisibwa Ruhanga? Nari nooteekateeka ngu Baibuli n’ekitabo kirungi kwonka? [Tegyereza agarukyemu.] Abantu baingi nibateekateeka ngu Baibuli n’ekitabo kirungi kwonka, beitu tushangire ngu bakye aharibo nibo barikuteeraho kugishoma. [Shoma eky’okureeberaho ekiri ahansi y’omutwe oguri aha rupapura 3.] Burocuwa egi neeyoreka enshonga ahabw’enki abantu b’embeera zoona n’ab’omu madiini goona baine kushwijuma ebiri omu Baibuli.”
Noobaasa kukuratira obuhabuzi obu: Ou orikubuurira yaikiriza burocuwa egi, noobaasa kugira oti: “Enshonga emwe ahabw’enki abantu nibagira ngu tihariho ekikuru eki turikubaasa kwega omu Baibuli n’ahabw’okugira ngu amadiini nigashoboorora ahari Baibuli n’enyegyesa zaayo omu muringo gutahikire. Ku ndagarukye niinyija kukworeka bimwe aha bi barikushoboororaho.” Waagarukayo gaaniira nawe aha biri aha rupapura 4-5.
N’Obaasa Kuba Munywani wa Ruhanga!
Etebeekanisiibwe kuhwera abo abateegire munonga nari abatarikumanya kushoma gye
Oku turikubaasa kugigaba: “Nooteekateeka ngu nitubaasa kuba banywani ba Ruhanga? [Tegyereza agarukyemu, reero omushomere Yakobo 2:23.] Burocuwa egi etebeekanisiibwe kutuhwera kuba banywani ba Ruhanga nk’oku Abrahamu yaabaire ari.”
Noobaasa kukuratira obuhabuzi obu: Aha murundi gw’okubanza kubuurira omuntu nari waagarukayo, mworekye oku arikubaasa kwega Baibuli orikuhikaanisa nawe ebiteekateeko aha biri omu ishomo 1 ryona nari bimwe aharibyo.
A Satisfying Life—How to Attain It
Etebeekanisiibwe kuhwera abo abataine diini
Oku turikubaasa kugigaba: “Twena nituhikwaho oburemeezi oburikuturemesa kugira okushemererwa. Ahabw’okugira ngu abantu baingi nibaba nibenda kutunga okumarwa omu magara, nibateeraho kusherura obuhabuzi aha banyabuzaare, abanywani, omu bitabo nari aha Intaneeti. Iwe oshangire ngu ni nkahi ei orikubaasa kwiha obuhabuzi burungi? [Tegyereza agarukyemu.] Abamwe kibashemeize kushanga omu Baibuli obuhabuzi oburikuhwera. Aha hariho eky’okureeberaho. [Ou orikubuurira mworekye eshuura 2 kandi omushomere na kimwe aha byahandiikirwe ebijuriziibwe.] Burocuwa egi neeshoboorora aha ku turikubaasa kutunga okumarwa omu magara.”
Noobaasa kukuratira obuhabuzi obu: Ou orikubuurira yaikiriza burocuwa, mugire oti: “Baingi nibagira ngu Baibuli erimu ebitahikire bingi. Ku ndagarukye, niinyija kukworeka kimwe aha bi Baibuli erikugamba ebihikire aha bikwatiraine na sayansi.” Ku oraagarukeyo hikaanisa nawe ebiteekateeko aha kacweka 4 aha rupapura 12.
The Origin of Life—Five Questions Worth Asking
Etebeekanisiibwe kuhwera eminyeeto Abakristaayo abarikwegyesibwa aha ishomero ngu ebintu bikabaho birikuruga omu bindi. Neebaasa n’okuhwera omu kuhikaanisa ebiteekateeko n’abarikugira ngu ebintu bikabaho birikuruga omu bindi nari abatarikwikiriza ngu hariho Ruhanga (Burocuwa egi tiy’okugaba omu kubuurira enju aha nju.)
Oku turikubaasa kugikoresa twaba nitubuurira abarikugira ngu ebintu bikabaho birikuruga omu bindi nari abatarikwikiriza ngu hariho Ruhanga: “Ebitabo bya sayansi ebiriho obunaku obu ebingi nibyegyesa ngu ebintu bikabaho birikuruga omu bindi. Iwe ekyo nokiikiriza? [Tegyereza agarukyemu.] Kubaasa kumanya ekihikire, twine kucondooza tukareeba yaaba ebintu bikahangwa nari bikabaho birikuruga omu bindi. Burocuwa egi erimu obuhame obureeteire bamwe kwikiriza ngu ebintu bikahangwa.”
Noobaasa kukuratira obuhabuzi obu: Waaba ori aha ishomero, noobaasa kuta burocuwa egi aha meeza yaawe kureeba yaaba abamwe baraayende kumanya ebirimu.
Real Faith—Your Key to a Happy Life
Etebeekanisiibwe kuhwera Abasiraamu abarikutuura omu myanya ei kirikubaasa kuboorobera kwega Baibuli.
Oku turikubaasa kugigaba: Ou orikubuurira mworekye ekishushani ekiri aha rupapura 16-17 reero omugire oti: “Ebi turikureeba aha nibitaanira kimwe aha bi turikureeba omu nsi obunaku obu. Nooteekateeka ngu hariho obu embeera ziriba nizishusha ziti? [Tegyereza agarukyemu.] Yetegyereze eki Ekitabo kya Ruhanga kirikuraganisa. [Shoma ekyahandiikirwe kimwe omu Baibuli aha bijuriziibwe.] Burocuwa egi neetuhwera kugira okwikiriza okwabuzima ngu ebiraganiso nk’ebi nibiija kuhikiirira.”
Noobaasa kukuratira obuhabuzi obu: Mwaheza kugaaniira aha murundi gw’okubanza kubuurira omuntu, mushabe kutoorana ekibuuzo kimwe aha biri enyima ya burocuwa egi. Kora entebeekanisa kugarukayo okahikaanisa nawe ebiteekateeko aha ky’okugarukamu ekiri omu burocuwa egi.