Biri mu Mbeera Ki?

Eki n’ekibuuzo eki tushemereire kwebuuza aha bikwatiraine n’ebitabo byona ebi turikuba nituza kugaba. Ebitabo byona ebyefunyafunyire, ebisiibuukire, ebiriho eitaka nari ebitaagukire tibirikuhaisa ekibiina kyaitu ekitiinisa kandi nibibaasa kureetera ou orikubuurira kutafayo aha butumwa burungi oburikukiza amagara oburikuba burimu.

Nitubaasa kurinda tuta ebitabo byaitu kuguma nibireebeka gye? Baingi nibashanga kirikuhwera okutebeekanisa gye enshaho yaabo y’okubuurira kugira ngu ebitabo by’omuringo gumwe bibe omu mwanya gumwe. Nk’eky’okureeberaho, omu nshaho ebitabo nibabita okwabyo, zaamagaziini na burocuwa okwazo, na zaaturakiti okwazo. Baaba nibagarura Baibuli zaabo n’ebitabo ebindi omu nshaho y’okubuurira, nibeegyendesereza kugira ngu bitasiisikara. Ababuurizi abamwe nibatwarira ebitabo byabo omu bushaho oburikurinda gye ebitabo. Omuringo ogu turaakorese gwona, titurikwenda kureetera omuntu kugira rwekwatso y’okugaya obuheereza bwaitu ahabw’okumuha ebitabo ebisiisikaire.—2 Kor. 6:3.