“Ninyija Kutwara Akatabo Kaawe ku Oraatware Akangye”

Bamwe abu turikubuurira nikwo barikugira. Ahabw’okugira ngu titurikutwara bitabo byabo ebirikwegyesa ebishuba nitubaasa kubagarukamu tuta tutabagwisize kubi? (Rom. 1:25) Nitubaasa kugira tuti: “Yebare munonga, kwonka shi eki nikigamba ki aha ku oburemeezi bw’abantu buraahweho? [Tegyereza agarukyemu. Yaakushaba kushoma akatabo ako kutunga eky’okugarukamu, noobaasa kumwijutsya ngu waamushoboororera ebiri omu katabo aku waamuha. Reero oshome Matayo 6:9, 10.] Yesu akooreka ngu Obukama bwa Ruhanga nibwija kureteera ebi Ruhanga akunda kukorwa omu nsi. Ebitabo by’ediini ebi ndikushoma n’ebyo ebirikugamba aha bukama bwa Ruhanga. Okaayenzire nkworekye bimwe kuruga omu Baibuli ebi Obukama bwa Ruhanga buraije kukora?”