Agusto Nikwija Kuba Okwezi kw’Omutaano omu Byafaayo by’Okubuurira!

1. Ni kampeyini ki ey’omutaano erikwija kubaho omu nsi yoona, twaba nitwiririra okwijuka emyaka 100 kuruga obu Obukama bwa Ruhanga bwatandika kutegyeka?

¹ Nitwiririra okwijuka emyaka 100 kuruga obu Obukama bwa Ruhanga bwatandika kutegyeka. Ka ni kikuru kuha Yehova ekitiinisa turikwejumbira kimwe omu kampeyini egi ey’omutaano! Omu nsi yoona omuri Agusto nitwija kwejumba omu kampeyini y’okugaba turakiti ensya eine omutwe Nitubaasa Kwiha Nkahi eby’Okugarukamu by’Ebibuuzo Ebikuru? Turakiti egi neehiga abantu kusherura eby’okugarukamu by’ebibuuzo by’abo omu Baibuli kandi neeshoboorora oku jw.org erikubaasa kubahwera.

2. Nitubaasa kwongyera tuta kuhimbisa Yehova omuri Agusto?

² Okuhimbisa Ruhanga: Kuhwera ababuurizi kwongyera aha buheereza bwabo, entebeekanisa y’omutaano ekozirwe kubaasisa boona abarikwenda kuba baapayoniya abahwezi omuri Agusto. Omu kwezi okwo, ababuurizi ababatiziibwe nibaija kwikirizibwa kuba baapayoniya abahwezi barikubuurira eshaaha 30. Ahabw’okugira ngu Agusto erimu Orwamukaaga emirundi etaano na Sande itaano, ababuurizi baingi abarikukora nari abarikushoma nibaija kubaasa kuba baapayoniya abahwezi. Waaba oine omwegi wa Baibuli ohikire kuba omubuurizi otabatiziibwe nari oine omwana orikwenda kuba omubuurizi otabatiziibwe, gambira omuhikaanisa w’akakiiko k’abareeberezi. Ka nikigaruramu amaani kugira ababuurizi basya nk’aba kutwegaitaho omu kwezi kw’omutaano oku! N’obu baapayoniya ab’obutwire baingi baraabe nibahuumuraho omu Agusto bwanyima y’okuhitsya eshaaha ezi baine kubuurira buri mwaka gw’obuheereza, nibabaasa kukora empindahinduka kugira ngu babaase kwejumbira kimwe omu kampeyini egi ey’omutaano. Hati nibwo bwire ab’omuri buri ka kugaaniira hamwe bakareeba oku barikwija kwongyera kuhimbisa Yehova omuri Agusto.​—Ezr. 3:11; Enf. 15:22.

3. Twine matsiko ki aha bikwatiraine na kampeyini y’omutaano eraabeho?

³ N’obu turaabe tureejumbire omu kampeyini nk’egi, twine amatsiko ngu eraabeho omu Agusto naija kuba ey’omutaano. Omuri Agusto nitubaasa kwongyera aha mubaro gw’ababuurizi, baapayoniya abahwezi hamwe n’eshaaha ezi tutwire nitubuurira? Turikuhendera omwaka gw’obuheereza ogwa 2014, nitushaba ngu Yehova ahe omugisha abaheereza be omu nsi yoona babaase kwejumbira kimwe omu kubuurira omuri Agusto.​—Mat. 24:14.