Okwongyera Kubuurira Gye—Okubuurira Orikukoresa Esimu Erikuba Eri aha Irembo

Ahabw’Enki Kiri Kikuru: Nitubaasa kutiina kukoresa esimu erikuba eri aha irembo twaba nitubuurira. Nitubaasa kwetantara tuta kwikiriza okutiina kuturemesa kugira obweziriki omu kukora emirimo mirungi? Tushemereire kuguma nitwijuka ngu okukoresa esimu erikuba eri aha irembo nigwo muringo gwonka ogurikubaasa kukoresibwa kuhitsya abantu abamwe amakuru marungi. (Rom. 10:14) Ebibaireho nibyoreka ngu omuringo ogu nigubaasa kukora gye omu kubuurira. (Reeba 2011 Yearbook, rup. 65 kacw. 2—rup. 66 kacw. 1, na 2000 Yearbook, rup. 54, kacw. 3.) Reeba obuhabuzi oburi ahaifo.

Oku Turikubaasa Kukikora:

Tebeekanisa enyanjura ngufu, reero ogihandiikye kugira ngu ogishome waaba noobuurira orikukoresa esimu erikuba eri aha irembo. Eki nikibaasa kukuhwera kwongyera kugira obumanzi. Tandika orikushoboorora ekyakureeta. Koresa eiziina ry’ou orikubuurira ryaba ryorekirwe aha ndagiriro. Aha kuhendera shaba ou orikubuurira kumutsigira turakiti nari magaziini kubaasa kumanya ebirikukiraho.
Guma oine emiteekateekyere mirungi. Mwenya kandi ogambe omu muringo gwawe gwa butoosha nk’orikureeba ou orikugamba nawe.
Gamba oikaikaine nk’oku orikugamba butoosha. Yaatura gye ebigambo kandi omu iraka eririkuhurirwa gye. Yetantare kuhunamamu ahu kitarikwetengyesa, kwonka otagamba orikurahutsya munonga.
Koresa okwetegyereza. Omu byombeko ebihango, nihabaasa kuba harimu esimu nyingi nari amaju agamwe gariho ebide. Noobaasa kucwamu kuteera ebide bishatu n’okukiraho, guma noijuka ei waagarukira. Twamaraho obwire buraingwa kugira ngu tuteere esimu zoona, nikibaasa kwerarikiriza abarikutuura omu maju ago.

Teeraho Kukora Eki Okwezi Oku:

Mwegyezemu mwaba muri omu kuramya kw’eka, kandi mukikore omwe arikuranzya oku ondiijo arikurazya kuriya.