Okwongyera Kubuurira Gye​—Okubuurira Orikukoresa Kamera Nari Esimu Y’aha Irembo

AHABW’ENKI NI KIKURU: Ahabwa tekinologiya kweyongyera n’abarikuhenda ebiragiro kweyongyera, abantu bongyeire kukoresa kamera n’esimu z’aha irembo. Nitubaasa kutiina kubuurira omuntu ou tutarikureeba kwonka we arikutureeba. Obuhabuzi obu nibuza kutuhwera kubuurira kurabira aha kamera nari aha simu y’aha irembo twine obumanzi.

OKU ORIKUBAASA KUKIKORA:

• Gira emiteekateekyere mirungi. Baingi abarikutuura omu maju agariho kamera nari esimu z’aha irembo nibaikiriza kugaaniira naitwe

• Ijuka ngu kamera ezimwe nizikwata byona ebirikubaho otakataire akade kandi omuntu naabaasa kuba ariyo naakureeba kandi ahurikize ebi orikugamba waaba ori haihi n’orwigi

• Ori omu nju ku araagarukemu, gambira aha kamera nari aha simu y’aha irembo nk’orikugamba nawe muri hamwe. Mwenya kandi okorese obumanyiso omu muringo gwawe ogwa butoosha. Gamba ebi otebeekanise kumugambira. Haaba hariho kamera, otaakagihika haihi munonga. Haabura owaakugarukamu, otatsigaho obutumwa

• Ijuka ngu na waaheza kugaaniira n’omuntu, naabaasa kugumizamu arikukureeba nari akuhurikiize