Okutwaza Gye Waaba Noobuurira Enju aha Nju

Abakristaayo ‘bahindukire ab’okushungwa ensi.’ (1Kor 4:9) N’ahabw’ekyo, tikishemereire kututangaaza kureeba abantu nibatuhurikiza bari omu dirisa nari enyima y’orwigi. Eka neebaasa n’okuba eine kamera nari omuzindaaro ahabw’okwenda kugira oburinzi oburikuhwera ab’eka egyo kureeba, kuhurikiza, nari kukwata amaraka gaitu. Egi n’emiringo mirungi y’okutwazamu gye twaba nitubuurira enju aha nju.​—2Kor 6:3.

EMITWARIZE YAAWE (Fil 1:27):

• Ha ekitiinisa abu orikubuurira otarikutaaha omu nju batakwetsire. Otarya, otanywa, nari kuteera esimu nari kwohereza obutumwa aha simu waaba noobuurira aha nju

OKU ORIKUGAMBA (Efe 4:29):

• Waaba noobuurira aha nju, otarigamba eki otarikwenda ngu ou orikubuurira ahurire. Ababuurizi abamwe nibabaasa kucwamu kureka kugaaniira aha nshonga ezindi kugira ngu babaase kuteekateeka aha bi baragaaniireho

Ni miringo ki ei orikubaasa kutwazamu gye waaba noobuurira enju aha nju?