Okwongyera Kubuurira Gye—Okutandika Kwegyeseza Omuntu Baibuli aha Muryango Orikukoresa Akatabo Amakuru Marungi Kuruga Ahari Ruhanga!
Ahabw’Enki Ni Kikuru: Kuhindura abantu abeegi, twine kubegyesa Ekigambo kya Ruhanga. (Mat. 28:19, 20) Twena nitubaasa kuba abeegyesa barungi b’amazima twakoresa ebituhairwe. Akatabo Amakuru Marungi Kuruga Ahari Ruhanga! katebeekanisiibwe kutuhwera kwegyesa abantu amazima. Nitubaasa kukakoresa kutandika kwegyeseza omuntu Baibuli aha muryango aha murundi gw’okubanza kumubuurira.
Teeraho Kukora Eki Okwezi Oku:
Shaba kugira ekihika ky’okwegyesa omuntu Baibuli. Kandi oshabe Yehova kukuhwera kutandika kwegyesa omuntu Baibuli, n’okuba omwegyesa murungi.—Fil. 2:13.
Omu kuramya kw’eka nari omu bwire bwawe bw’okweshomesa, teeraho kukwata enyanjura. Nikiija kukubaasisa kugamba n’obumanzi kandi otandikye kwegyeseza omuntu Baibuli aha muryango waaba ori omu kubuurira.