Ebi Turikwegyera Ahari Samueli

Samueli akaguma ari omwesigwa ahari Yehova ebiro byona eby’amagara ge. Obu yaabaire ari omwojo muto, akanga kutooreza batabani ba Eli, Hofuni na Finehaasi abaabaire baine emitwarize mibi. (1Sam 2:22-26) Samueli akaguma naakura, kandi Yehova akaguma naamuhwera. (1Sam 3:19) Kandi n’obu yaabaire omugurusi, akagumizamu naaheereza Yehova omu bwesigwa, n’obu abatabani batarabaire beesigwa.—1Sam 8:1-5.

Eky’okureeberaho kya Samueli nikitwegyesa ki? Waaba ori muto, gira obwesigye ngu Yehova naayetegyereza oburemeezi obu orikutunga n’oku orikwehurira. Naabaasa kukuhwera kugira obumanzi. (Isa 41:10, 13) Waaba ori omuzaire oine omwana otarikuheereza Yehova, ijuka ngu na Samueli akaba atarikubaasa kugyema abaana be kuguma bari abeesigwa ahari Yehova n’okworobera emitindo ye. Enshonga akazireka omu mikono ya Yehova, yaaguma ari omwesigwa kandi yaakora ebirikushemeza Tataitwe Yehova ow’omu iguru. Eky’okureeberaho kyawe kirungi nikibaasa kuhiga omwana waawe kugarukira Yehova.

MUREEBE VIDIYO BEEGYEREHO—SAMUELI, REERO MUGARUKYEMU EBIBUUZO EBI:

• 

  Samueli akooreka ata obumanzi obu yaabaire akiri muto?

• 

  Danny akooreka ata obumanzi?

• 

  Samueli akataho ata eky’okureeberaho kirungi obu yaabaire akuzire?

• 

  Abazaire ba Danny bakataho bata eky’okureeberaho kirungi?