Oku Turikubaasa Kwongyera Kubuurira Gye​—Okugarukamu Abarikwanga ngu Tutababuurira

Ahabw’Enki Ni Kikuru: Yeshushanirize ngu noomanya ekihikiirizi ekirikuza kubaho. Kandi abantu nibaija kufa baaba batatungire ah’okuhungira. Waaza owa muriranwa waawe kumurabura, kwonka akakugira ngu aine bingi by’okukora. Buzima torikwija kurekyeraho kumurabura. Baingi omu kicweka eki turikubuuriramu nibanga ngu tutababuurira ahabw’okutamanya ngu obutumwa obu turikuba tubatwarire n’obw’okujuna amagara gaabo. Nooshanga ngu obu turikubataayaayira nibaba baine eby’okukora. (Mat. 24:37-39) Nari babagambiire ebirikutukwataho ebitahikire. (Mat. 11:18, 19) Nibabaasa kuteekateeka ngu titwine ntaniso n’amadiini agarikukora ebikorwa bibi. (2 Pet. 2:1, 2) Ou turikubuurira yaayoreka ngu tarikwenda aha murundi gw’okubanza, nitubaasa kugarukayo obundi.