Bziratizo bza Upalizi

Kuyambisa Mapfunziro ya Bibliya pa Nsiku ya Malinkhuma Yakuyamba mu Março

“Mwakusaya kutenga nthawe tinkuzungira wanzathu thangwe ra cinthu cinango comwe cin’dzacitika pa 14 Abril. Nsikuyo njakukumbukira infa ya Jezu. Wanthu winango wan’dzaikumbukira nsikuyo, thangwe ra kuzindikira kuti infa ya Jezu njakufunika kwene-kwene. Tsono winango wambakuzindikira lini bwino-bwino kufunika kwa infa yaceyo. Mun’kumbuka kuti infa ya Jezu ina phindu kwa imwepo na inepano?” Dikirani atawire. Mulatizeni tsamba lakumalizira la revista ya Nsanja ya Olonda ya 1 Março, mucicezerana naye mbvunzo wakutoma, mucilewengambo vesi libodzi pa yomwe yalipoyo. Perekani marevistayo, mucicita makonzedwe ya kudzacezerana mbvunzo munangoyo.

Nsanja ya Olonda Março 1

“Wanthu wazinji wambabvunza kuti: Thangwe ranyi Mulungu an’saya kucita ciri-cense kuti amalise kubonera na kusaya cirungamo kuli m’dzikoli? Mun’kumbuka kuti thangwe ndakuti Mulungu ambatikumbukira lini ayai ni thangwe ra kuti iye ambayesa kuti bziri bwino kuti wanthu wabonere? [Dikirani atawire. Pambuyo pace lewengani Juwau 3:16.] Napo wanthu wazinji wambayaguma mafala ya pa vesiri pakufuna kulatiza kuti Mulungu ambatikumbukadi, iwo wambadziwa lini bwino-bwino momwe infa ya mwana wa Mulungu nja phindu kwa iwo. Revistayi yankulongosola momwe infa ya Jezu in’dzacitisa kuti kubonera na kusaya cirungamo kumale pansi pano.”

Galamukani! Março

“Tinkuzungira wanthu mu nthawe yakucepa kuti tilungamize makumbukidwe yakuphonyeka yomwe wazinji wanayo pa vesiri. [Lewengani Ciyambo 1:1.] Winango wambakhulupira kuti bzinthu bzense bzidacita kulengedwa, tsono winango wambakhulupira lini. Kodi mumbakumbukambo ciani pa nkhaniyi? [Dikirani atawire.] Wanthu wazinji wambaneseka kukhulupira kuti bzinthu bzidacita kulengedwa thangwe watsogoleri wa bzipembedzo bzizinji wambapfunzisa bzinthu bzomwe Bibliya limbalewa lini. Revistayi inkulatiza mafala ya Bibliya yakulongosoka na yakukhulupirika yakulewa bza ciyambi ca cirengedwe.”