Mareferensiya ya Kabukhu ka Mitsonkhano ka Moyo Wathu na Utumiki
4-10 NOVEMBRO
CUMA CA M’FALA LA MULUNGU | 1 JUWAU 1-5
“Lekani Kufuna Dziko Ayai Bzinthu bza m’Dzikoli”
(1 Juwau 2:15, 16) Lekani kufuna dziko ayai bzinthu bza m’dzikoli. Pakuti ali-wense wakufuna dzikoli, lufoyi la Baba liri lini mwa iye. 16 Pakuti bzinthu bzense bza m’dziko, ninga cikhumbo ca thupi, cikhumbo ca maso na kubziwonesera pa bzinthu bzomwe munthu anabzo, bzimbacokera lini kwa Baba, koma bzimbacokera ku dziko.
(1 Juwau 2:17) Ndipo, dziko linkuyenda pabodzi na bzikhumbo bzace. Tsono omwe an’cita kufuna kwa Mulungu, an’dzakhala mwakuyenderera.
Kufufudza Cuma Cauzimu
(1 Juwau 2:7, 8) Wakufunidwa, ndikukunemberani lini lamulo lipsa, koma ni lamulo lomwe mumbalidziwa kucokera pa ciyambi. Limweri ni lamulo lakale-kale lomwe imwepo mudalibva. 8 Ndipo ndikukunemberani lamulo lipsa, bzinthu bzomwe mpsacadidi ku mbali yace na ku mbali yanu, thangwe m’dima unkupita ndipo ceza cacadidi cinkubvunika.
(1 Juwau 5:16, 17) Penu munthu munango awona m’bale wace akucita pikado yomwe ingam’bweresere lini infa, an’funika kumucitira mpembo ndipo Mulungu an’dzamupasa moyo; inde kwa wale omwe ambacita pikado yomwe ingawabweresere lini infa. Ndipo iripombo pikado yomwe imbabweresa infa. Ndipo ndikulewa lini kuti mucitire mpembo munthu omwe wacita pikado ninga imweyi.17 Kusaya cirungamo kuli-kwense ni pikado, tsono pana pikado yomwe ingabwerese lini infa.
it-1 tsa. 862 ndi. 5
Kulekerera Pikado
Mpsabwino kumbapembera winango kuti Mulungu awalekerere pikado zawo ayai kupembera gwere lense. Mozeji adacitira bzimwebzo Ajirayeri, pomwe adazimbula pikado zawo zense acipemba kuti Mulungu awalekerere, ndipo Yahova adabvesera mpemboyo. (Mirew 14:19, 20) Ndipo Salomau, pakupereka templo, adapembambo kuti Yahova ambalekerere mbumba yace ikaphonya icilatiza kukungula na kusiya bzakuipabzo. (1Wam 8:30, 33-40, 46-52) Ezara adapembambo na kukungula padeca pikado za Adjuda wakubwezeresedwa. Ndipo bzakutewera bza mpembo wace mpsakuti mbumba yense idacita cinthu kuti irekereredwe pikado na Yahova. (Eza 9:13–10:4, 10-19, 44) Tiyago adalimbisa omwe ankuduwala mwauzimu, kucemera akulu wa m’gwere kuti amupembere, ndipo ‘penu akhadacita pikado, an’dzalekereredwa.’ (Tiy 5:14-16) Tsono pana ‘pikado yomwe imbabweresa infa,’ pikado yakuphonyera mzimu wakucena na pikado zakucita utowa, zimbalekereredwa lini. Mkristau an’funika lini kupembera pikado ninga zimwezi.—1Ju 5:16; Mat 12:31; Waheb 10:26, 27; onani pomwe padanemba kuti ESPÍRITO; PECADO.
11-17NOVEMBRO
CUMA CA M’FALA LA MULUNGU | 2 JUWAU–JUDA 1
“Tin’funika Kucita Nyongo Kuti Tipitirize Kukhala m’Cadidi”
(Juda 3) Wakufunidwa, napo ndikhayeza kuti ndikunembereni bza cipulumuso comwe tensenefe tinaco, ndawona kuti n’bzakufunika kukunemberani bza kukulimbisani kuti mumenye nkhondo ya cikhulupiro mwa mphanvu comwe cidaperekedwa kabodzi kokha kwa anyakucena.
Kufufudza Cuma Cauzimu
(Juda 4) Ndinkulewa tenepo thangwe rakuti wanthu winango adapita mwa kubisala pakati panu. Wale omwe bzinembo bzikhadalewa kale bza ciyeruzo cimweci. Pakuti ni wanthu wakusaya kugopa Mulungu thangwe rakuti atenga kudeka mtima kukulu kwa Mulungu wathu kukhala thangwe ra kucitira khalidwe la kunyansa, ndipo akhala wakusaya kukhulupirika kwa Mbuya wathu m’bodzi yekha omwe adatigula, Jezu Kristu.
(Juda 12) Amuna amwewa, ni matsendwa yakubisika m’madzi, pomwe akudya namwe pabodzi pa maphwando yanu yomwe mumbacita kuti mulatizane lufoyi. Ni abusa omwe ambabzidyesa okha mwa kusaya mantha, mitambo yakusaya madzi yomwe imbatengeka-tengeka na conzi, miti yomwe imbabala lini bzisapo pa nthawe yace, yomwe njakuferatu na yakuzulidwa na mizi yace;
it-2 tsa. 279
Maphwando ya Lufoyi
Bibliya limbafotokoza lini bza maphwando ya lufoyiya, ne limbalatiza lini kuti yakhambacitika tani. (Juda 12) Yalibe kulamulidwa na Mbuya Jezu Kristu, ne na apostolo wace, ndipo bzinkuwonekeratu kuti yan’funika lini kucita kukhala yakungingimizana ne kumbayacita nthawe zense. Winango ambalewa kuti maphwandoya yakhali nthawe yabwino yomwe Akristau omwe akhali wakudala akhambacemera Akristau anzawo wakusauka. Omwe akhali nkhungwa, a mansiwa, wakudala na wale omwe akhalibe bzinthu bzizinji bzakuthupi akhambadyera pabodzi na kumbatsangalazana mwa ubale.
it-2 tsa. 816
Tsendwa
Fala linango la cigirego, lakuti spi·lasʹ, limbafuna kulewa bza tsendwa lomwe limbakhala lakubisika m’madzi. Limbaphatisidwa basa na Juda pakufuna kulewa bza amuna winango omwe akhadapita mwa kabise-bise m’gwere lacikristau na bzakulinga bzacinyengo. Ninga momwe matsendwa yakubisika m’madzi yaliri ngozi kwa xitima za m’madzi, amuna amwewa akhali ngozi ikulu kwa winango m’gwere. Pakulewa bza amuna amwewa iye ambati: ‘Amuna amwewa, ni matsendwa yakubisika m’madzi, pomwe akudya namwe pabodzi pa maphwando yanu.’—Juda 12.
(Juda 14, 15) ‘Ndipo Enoki, omwe ni munthu wacinomwe pa mbadwo wa Adamu, adaleweratumbo bza iwo pomwe adati: “Onani! Yahova wabwera na bzulu na bzulu bza anyakucena wace 15 kuti ayeruze na kupasa mulandu wense omwe ambagopa lini Mulungu thangwe ra bzicito bzawo bzakunyoza Mulungu, bzomwe adacita mwakusaya kugopa Mulungu na thangwe ra bzinthu bzense bzakunyoza bzomwe anyapikado wakusaya kugopa Mulungu adamulewa.’
18-24 NOVEMBRO
CUMA CA M’FALA LA MULUNGU | CIBVUMBULUSO 1-3
“Nimbabzidziwa Bzicito Bzako”
(Cibvumbulutso 1:20) Ici ni cinsinsi cakupambulika ca kulewa bza nyenyezi zinomwe zomwe iwepo udaziwona m’boko langu lamadidi na mibvuniko minomwe ya oro: nyenyezi zinomwe zimbaimira anjo wa magwere manomwe, mibvuniko minomwe imbaimira magwere manomwe.
(Cibvumbulutso 2:1, 2) “Kwa anjo wa gwere la ku Efezo nemba tenepa: Bzimwebzi ndibzo akulewa ule omwe adaphatirira nyenyezi zinomwe m’boko lace la madidi na omwe ambafamba pakati pa mibvuniko minomwe ya oro: 2 ‘Nimbabzidziwa bzakucita bzako, basa na nyongo pabodzi na kupirira kwako, kuti umbalekerera lini wanthu wakuipa na kuti udayeza wale omwe ambabziti apostolo koma ndiwo lini, na kuti udawona kuti iwo mbanyakunama.
Kufufudza Cuma Cauzimu
(Cibvumbulutso 1:7) Onani! iye ankubwera na mitambo, ndipo diso liri-lense lin’dzamuwona kuphatanidzambo wale omwe adamulasa, ndipo madzinza yense ya pansi pano yan’dzabzimenya pa cifuwa na mantha thangwe ra iye. Inde, Ameni.
(Cibvumbulutso 2:7) Omwe ana makutu abve bzomwe mzimu unkulewa kuna magwere kuti: Omwe an’dzakunda ndin’dzamubvumiza kudya bza m’muti wa moyo, omwe uli mu paraizo wa Mulungu.
25 NOVEMBRO–1 DEZEMBRO
CUMA CA M’FALA LA MULUNGU | CIBVUMBULUTSO 4-6
“Amuna Anai Omwe Adapakira Mahaci”
(Cibvumbulutso 6:2) Ndipo ndidanyang’ana, ndiciwona haci icena ndipo omwe akhadaipakira akhana uta, ndipo adapasidwa korowa, aciyenda kukakunda na kumaliza kukunda kwace.
(Cibvumbulutso 6:4-6) Ndipo idabula pomwe haci inango yakufuira ninga moto, ndipo nyakuipakirayo adabvumizidwa kucosa mtendere pa dziko la pansi kuti wanthu waphane, ndipo adapasidwa mphanga ikulu. 5 Pomwe adafungula cidindo cacitatu, ndidabva camoyo cacitatu cicilewa kuti: “Bwera!” Ndipo ndidawona haci ipswipa ndipo nyakuipakirayo akhana balansa m’manja mwace. 6 Ndipo ndidabva fala ninga lakucokera pakati pa bzamoyo bzinai bzire liciti: “Kiru ibodzi ya tirigu mtengo wace ucikhala wa dinario ibodzi ndipo makiru matatu ya sevada mtengo wace ucikhala wa dinario ibodzi, koma lekani kudzonga mafuta ya oliva na vinyu.
(Cibvumbulutso 6:8) Ndipo ndidawona haci yakupfumbuka, omwe akhadaipakira, dzina lace likhali Infa ndipo thenje likhamutewera pafupi, ndipo iwo wadapasidwa utongi pa cipande cacinai ca pa dziko la pansi kuti waphe na mphanga itali, njala, bzisi na bzirombo bza pa dziko la pansi.
Kufufudza Cuma Cauzimu
(Cibvumbulutso 4:4) Pakhana mipando ya umambo yakukwana 24 yomwe ikhadazungulira mpando wa umamboyo ndipo m’mipandomo mukhana akulu wakukwana 24 omwe akhadabvala bzakubvala bzicena na makorowa ya oro m’misolo mwawo.
(Cibvumbulutso 4:6) Patsogolo pa mpando wa Umambo pakhana madzi yakucena mbee ninga vidru. Ndipo pakati na m’mphepete mwace mukhana bzakulengedwa bza moyo bzinai bzomwe bzikhana maso kutsogolo na m’mbuyo.
(Cibvumbulutso 5:5) Koma m’bodzi mwa akulu wale adandiuza kuti: “Leka kulira. Ona! Mphondolo ya dzinza la Juda, muzi wa Davide, yawina mwakuti ndiye omwe angafungule mpukutu na bzidindo bzinomwe.”