CUMA CA M’FALA LA MULUNGU | MWAMBO 8-9 8-9

Umboni bwa Bzisimbo bza Yahova

8:6-9, 12; 9:1-5, 23, 24

Pomwe antsembe adapereka ntsembe yakuyamba, Yahova adalatiza kuti akhawabvuma mwa kutumiza moto omwe adatentha ntsembe yakutentha. Mwa njira imweyi, Yahova adalatizambo wanthuwo kuti akhafunika kuthandizira untsembe bomwe bukhayamba na Aroni na wana wace. Ntsiku zino, Yahova akuphatisa basa Jezu Kristu ninga Mkulu wa Antsembe. (Waheb 9:11, 12) Mu 1919, Jezu adasankhula kagulu kakucepa ka wakudzozedwa kuti kakhale ‘kapolo wakukhulupirika na wanzeru.’ (Mat 24:45) Kodi n’ciyani cikulatiza kuti Yahova ambasimba, kuthandiza na kubvuma kapolo wakukhulupirika na wanzeru?

Napo acitsutsidwa, kapolo wakukhulupirika ambasiya lini kupereka cakudya ca uzimu
Ninga momwe Jezu adalewera, bzipsa bzabwino bzikupaliziridwa ‘pa dziko lentse komwe kuna wanthu.’—Mat 24:14

Kodi ifepano tingathandize tani kapolo wakukhulupirika na wanzeru?

Bzithunzi-thunzi: 1. Jezu ali mu umbiri bwace ndipo akutonga pa dziko lapantsi. 2. Abale omwe ambacita mbali ya kapolo wakukhulupirika na wanzeru ambatsonkha pabodzi kuti akonze cakudya cauzimu. 3. M’bale akupalizira munthu bzipsa bzabwino.