Kukulisa Luso Lathu Mu —Utumiki Kucita Upalizi bwa pa Telefoni

Thangwe Ranyi Mpsakufunika: Kupalizira mwakuphatisa basa telefoni ni njira yakufunika ya kuperekera ‘umboni bwakukwanira bwa bzipsa bzabwino.’ (Mab 20:24)a Njira imweyi imbatithandiza kupalizira wanthu omwe tikukwanisa lini kuceza nawo na maso na maso.

MOMWE MUNGACITIRE:

• 

  Konzekerani bwino. Sankhulani nkhani yakuthemera. Kumbukirani bzomwe mukufuna kulewa ndipo nembani nfundo zikulu-zikulu. Ndipo mungakonzekerembo mafala yacigwatho yomwe mungalewe mwenekaciro mui akasaya kutawira, ndipo telefoniyo ikukumbira kuti mugravari bzomwe mukhafuna kumuuza. Mpsakuthandiza kukhala pafupi na meza yomwe mwaikha tsamba la nfundo zanu na bzinthu bzinango bzomwe mukufuna kuphatisa basa ninga telefoni ayai tablet yomwe ina programa ya JW Library^® ayai webisaiti ya jw.org^® yakufunguka.

• 

  Lewani-lewani mwakugwa nfuwa. Lewani-lewani mwacibadwa. Lewa-lewani na manja mwakukondwa ninga kuti muli pa mui pace. Lekani kumbandogwatiza-gwatiza mafala yanu. Mpsabwino kupalizira pabodzi na mwanzanu. Mwenekaciro mui akacita mbvunzo, ubwerezereni mbvunzoyo mwakukuwa kuti mwanzanu akuthandizeni kugumana mtawiro.

• 

  Siyani mbvunzo kuti mudzacezerane pa ulendo bwakubwereza. Munthu akalatiza kuti akufuna kudziwa bzizinji siyani mbvunzo wakuti mudzacezerane mukadzamuligaliri pomwe. Mungamuyendesere bukhu ayai kumutumizira mwakuphatisa basa e-mail ayai correio. Ayai mubvunzeni penu angabvume kuti mumutumizire nkhani ayai vidiyo mwakuphatisa basa mentsajem ayai e-mail. Penu mpsakuthemera, muuzeni munthuyo bza webisaiti yathu.