Bziratizo bza Upalizi

Kuyambisa Mapfunziro ya Bibliya pa Nsiku ya Malinkhuma Yakuyamba mu Setembro

“Wanthu azinji ambakhulupira wanjo. Kodi imwepo mumbawakhulupirambo? [Dikhirani atawire.] Ninga bzakulengedwa bzauzimu, iwo ana mphanvu kwene-kwene, koma kodi mumbakumbuka kuti iwo angatithandize? Bibliya limbatiuza momwe iwo ambathandizira wanthu nsiku zino.” Mulatizeni kumambuyo kwa Nsanja ya Olonda ya 1 Setembro, ndipo cezeranani nfundo zomwe ziri pansi pa mbvunzo wakutoma ndipo patsogolo pace werengani libodzi mwa mavesi yomwe yali pamwepo yakusaya kuphatidwa mafala. Mpaseni marevistayo ndipo konzani bza kudzabwerera pomwe kuti mudzacezerane mbvunzo wa patsogolo pace.

Nsanja ya Olonda 1 Setembro

“Kodi imwepo mumbawonambo kuti wanthu wankudzonga dziko m’mbuto mwa kulikonza? [Dikhirani atawire.] Napo munthu angakwanise lini kukonza bzakuphonyeka bzomwe iye ankucita, Bibliya limbatiuza kuti Mulungu angakwanise ndipo ankufunisisa kucita bzimwebzo. Tina citsimikizo ici pa Psalymo 65:9. [Werengani.] Revista iyi ya Nsanja ya Olonda inkulewa momwe Mulungu an’dzasamalira dziko na momwe tingakondwere na bzisimbo bzakutsogolobzo. Ndingakusiyireni revistayi kuti muwerenge?”

Galamukani! Setembro

“Azinji ambabziona kuti ankupanikizika na basa lakupasidwa na womwe ankumuphatirayo ndipo wankusaya njira yakucitira basalo. Adziwi ambalewa kuti kuphata basa mwakupitirira malire kungacitise kuti ambandokhale wakukhumudwa, bzomwe bzingabwerese mabvuto pa thupi na m’bzakukumbuka. Kodi munkukumbuka kuti n’ciyani cingathandize kuti munthu akhale na moyo wacikatikati? [Dikhirani atawire.] Vesi iri la m’Bibliya lingatithandize kukumbuka. [Werengani Mpalizi 4:6.] Revista iyi inkufotokoza njira zinai zakuthandiza kuti tikonze bzomwe mpsakufunika pa mbuto yakutoma ndipo ticileka kuneseka pa basa.