Apfunziseni Kutumikira Yahova Mwakusaya Kulekeza

Bzinkuwoneka kuti apalizi omwe ambapfunzisidwa kuyambira pakuyamba kumbayenda mu utumiki mwakukhazikika na mwa nyongo, kawiri-kawiri ambadzakhala apalizi wamphanvu. (Mim 22:6; Waf 3:16) Mu msolo uno mun’gumana malango ya momwe mungathandizire nyakupfunza wanu kuti ambacite utumiki mwakukhazikika.

• Nyakupfunza wanu akandobvumizidwa kukhala mpalizi, yambani kumupfunzisa kucita utumiki. (km 8/15 tsa. 1) Mulimbiseni kuti ambawone utumiki ninga cinthu comwe an’funika kumbacicita mdzinga uli-wense. (Waf 1:10) Mbalewani bzinthu bzabwino pa nkhani ya gawo lanu. (Waf 4:8) Mulimbiseni kuti ambayendembo mu utumiki na nyakutsogolera kagulu na apalizi winango kuti apfunzembo maluso yawo.—Mim 1:5; km-CN 10/12 tsa. 6 ndi. 3

  

• Nyakupfunza wanu akabatizidwa, lekani kusiya kumulimbisa na kumupfunzisa mu utumiki, maka-maka mukakhala munati kumaliza kupfunza bukhu lakuti: ‘Mulungu Apitirize Kukukondani’.—km 12/13 tsa. 11

  

• Mbaphatisani basa upalizi bwakusaya kunesa mukambaphata basa na mpalizi mupsa. Pambuyo pa kubva momwe iye apalizirira, mungamutende mucimupasambo malango yomwe yangamuthandize kuti akhale mpalizi waluso.—km-CN 5/10 tsa. 7