Bziratizo bza upalizi

Kuyambisa Mapfunziro ya Bibliya pa Nsiku ya Malinkhuma yakuyamba mu Julho

“Kodi mun’kumbuka kuti Mulungu ambabva tani na mipembo yathu? Kodi mun’kumbuka kuti ambaibva ayai ambandoilekerera?” Dikirani atawire. Mulatizeni kumbuyo kwa Nsanja ya Olonda ya 1 Julho, ndipo onani pabodzi nkhani yomwe iri pansi pa mbvunzo wakuyamba ndipo mungawerengembo vesi libodzi pa yomwe yalipoyo. Mugawireni marevistayo, ndipo citani makonzedwe yakudzacezerana pomwe mbvunzo winangoyo.

Nsanja ya Olonda 1 Julho

“Pakuti Mulungu ngwa mphanvu zense, kodi mun’kumbuka kuti ndiye ankucitisa bzinthu bzense bzakuipa bzomwe bzimbacitika pa dziko lapansi? [Dikirani atawire. Ndipo muwerengereni Tiyago 1:13.] Revistayi inkufotokoza thangwe race bzinthu bzakuipa bzimbacitika na bzomwe Mulungu an’dzacita kuti amalise kuipa na kubonera.”

Galamukani! Julho

“Napo papite nthawe ikulu ayai pang’ono, wanthu wense ambagumana na mtundu wakusiyana-siyana wa matsoka, ninga matsoka yacilengedwe, matenda yakunesa kupola, ayai kufa kwa munthu womwe mumbamufuna. Bzinthu bzimwebzi bzikambacitika, kodi mun’kumbuka kuti mpsakufunika kupitiriza kukhala na makumbukidwe yabwino? [Dikirani atawire.] Wanthu wazinji azindikira kuti Bibliya lingawathandize kulimbana na matsoka. [Werengani Waroma 15:4.] Revistayi inkufotokoza momwe Bibliya lingatithandizire tikambagumana na matsoka.”