Bziratizo bza Upalizi

Kuyambisa Mapfunziro ya Bibliya pa Nsiku ya Malinkhuma Yakuyamba mu Outubro

“Tinkuzungira mwacigwatho anansi wathu pa kulewa bza boma labwino. Kodi mungakumbukirembo boma lomwe lingakwanise kumalisa mabvuto, ninga ciwembu na bzinthu bzakusaya cirungamo?” Dikhirani atawire. Kumbusani mweneciro nyumba kuti mu Mpembo wa Mbuya, Jezu adapfunzisa ateweri wace kuti wambapembe bomali, kuti Umambo bwa Mulungu, bubwere. Mulatizeni kumambuyo kwa revista ya Nsanja ya Olonda ya 1 Outubro ndipo cezeranani nfundo zomwe ziri pansi pa mbvunzo wakuyamba muciwerengambo libodzi mwa mavesi yakusaya kuphatidwa mafala. Gawirani marevistayo ndipo konzani bzakudzacezerana m’bvunzo wa patsogolo pace pa ulendo bwakubwereza.

Nsanja ya Olonda 1 Outubro

“Tinkucezerana mwacigwatho na anansi wathu pakulewa bza mafala ya mpembo wakudziwika womwe Jezu adapfunzisa ateweri wace. [Werengani Mateu 6:9, 10.] Kodi mudabvesesa kale nthawe inango bzomwe bzimbathandauza Umambo bwa Mulungu na thangwe lomwe Jezu adabufotokozera mwakubveka bwino pa mapfunziso yace? [Dikhirani atawire.] Revistayi inkulatiza bzomwe Bibliya limbalewa bza Umambo bwa Mulungu na bzinthu bza bwino bzomwe Umambobo bun’dzabweresa pansi pano.”

Galamukani! Outubro

“Tinkuzungira wanthu mwacigwatho kuti tiwathandize kugumana mtawiro wa mbvunzoyu. [Mulatizeni tsamba lakuyamba la revistayo.] Kodi munkukumbuka kuti munthu anfunika kukhala wakudala kuti bzinthu bzimufambiredi bwino pa moyo? [Dikhirani atawire.] Bibliya limbalatiza kawonedwe kabwino pa bzinthu bzakuthupi. [Werengani Luka 12:15.] Mwakubverana na Bibliya, munthu ali-wense bzinthu bzingamufambire bwino pa moyo. Revistayi inkufotokoza bwino bzimwebzi.”