Ha Userhumu Rẹn Eri we Yono Enọ Kẹnoma Rẹn Orharhere Okugbe

Neneyo emọ uyono i Baibol ọwan i sabu rhiẹ ugbehian i Jehova, aye ine vi vwo omamọ okugbe. (Ps 15:1, 4) Omamọ okugbe ọnọ ha userhumu rẹn aye ru oborẹ oserhọ.—Pr 13:20; lff uyono 48.

Roro rẹn eri we yono ọke wa ha userhumu rẹn aye tiẹn orharhere okugbe. Ọnọ sabu bẹn rẹ aye ina tiẹn igbehian aye ri ha akpọ na. Omarana, rha dabu dje ọdamẹ rẹn aye, tobọ te ẹdẹ rẹ are i vwe yono dede. Wu na sabu dje urhomu vwe aye, se ifonu aye, yanghene kọn bru aye. Emọ uyono enọ erhe ruẹ riaro, wu na sabu ha use rẹn aye nẹ aye i kwomakugbe imizu ukoko na. Aye ni na mẹrẹnvwrurhe taghene oborẹ aye i me vwo ne, i bun ghwẹ erẹ aye i kpare fughwẹ. (Mr 10:29, 30) Oma nọ nọ ji merhuọn wa rha mẹrẹn ekrun i Jehova ro buẹnrhọ.

NI IVIDIO NA HA USERHUMU RẸN EMỌ UYONO I BAIBOL ENỌ KẸNOMA RẸN ORHARHERE OKUGBE, ORHO RU GBA KPAHENRHỌ ENỌ ENANA:

• Ayọmo yẹ erharhere okugbe?—1Co 15:33

• Marhẹ yi Jade o roro bi taghene akpẹriọ Ilele Kristi ọ havwọ?

• Marhẹ i Neeta o ru ha userhumu rẹn i Jade wene orharhere okugbe rhẹ omamiẹ?