21 Saba koo hin gadhiistu taanaan garuu, ani si irratti, tajaajiltoota kee irratti, saba kee irrattii fi manneen kee irratti qarxaasaa* nan erga; manneen Gibxiis qarxaasaadhaan ni guutamu; lafa isaan* irra dhaabbatan illee ni uwwisu. 22 Guyyaa sanatti ani dhugumaan biyya Gooshen isa sabni koo keessa jiraatan sana addaan nan baasa. Achi keessa qarxaasaan hin jiraatu;+ kanaanis isin ani Yihowaan biyyattii keessa akkan jiru ni beektu.+

3 kunoo, harki Yihowaa+ horiiwwan kee warra dirree keessa jiran irratti ni dhufa. Fardeen, harroota, gaalota, loonii fi bushaayee irratti dhaʼichi guddaan ni dhufa.+

6 Yihowaanis guyyaa itti aanutti akkanuma ni godhe; akaakuun horii warra Gibxii hundis duduʼuu jalqaban;+ horii warra Israaʼel keessaa garuu tokko illee hin duune.

26 Cabbiin biyya Gooshen isa Israaʼelonni keessa jiran qofa keessatti utuu hin buʼin hafe.+

7 Haa taʼu malee, Yihowaan warra Gibxii fi Israaʼelota gidduu garaa garummaan akka jiraatu gochuu akka dandaʼu akka beektaniif, Israaʼelotatti, namoota isaaniitti yookiin horiiwwan isaaniitti sareen illee hin duttu.’+

13 Dhiigni sun manneen isin keessa jirtan irratti mallattoo isiniif ni taʼa; anis dhiigicha ilaalee isin bira nan darba; yommuun biyya Gibxii rukututtis dhaʼichi sun dhufee isin hin balleessu.+