31 Qarsaan isaanii akka Qarsaa keenyaa miti,+

Diinonni keenya illee kana hubataniiru.+

 2 Kan akka Yihowaa qulqulluu taʼe tokko illee hin jiru,

Si malee kan biraan hin jiru,+

Kan akka Waaqa keenyaas qarsaan hin jiru.+

33 Waaqni dhugaan anaaf dahoo jabaa dha,+

Inni daandii koo wal naaf qixxeessa.+

34 Miila koo akka miila gadamsaa ni godha;

Iddoowwan ol kaʼoo taʼan irra akkan dhaabbadhu ni godha.+

35 Harka koo waraanaaf ni leenjisa;

Irreen koos iddaa sibiila diimaa dabsuu ni dandaʼa.

36 Ati gaachana fayyinaa naaf kennita,

Gad of qabuun kees guddaa na godha.+

37 Daandii tarkaanfii kootii naaf balʼista;

Miilli* koos hin mucucaatu.+

38 Diinota koo duukaa buʼee isaan nan balleessa;

Hanga isaan haxaaʼamanii badanittis biraa hin deebiʼu.

39 Akka isaan ol hin kaanetti, haxaaʼee isaan nan balleessa; isaan nan caccabsas;+

Isaan miila koo jalatti kufu.

40 Waraanaaf jabina na hidhachiista;+

Diinonni koo na jalatti akka kukkufan goota.+

41 Diinonni koo ana irraa akka baqatan ni goota;*+

Anis warra na jibban nan balleessa.*+

42 Isaan gargaarsaaf ni iyyatu, garuu kan isaan oolchu tokko illee hin jiru;

Yihowaatti illee ni iyyatu, inni garuu isaaniif hin deebisu.+

43 Akka awwaara lafaatti tumee isaan nan bulleessa;

Akka dhoqqee karaa irra jiruuttis isaan nan bulleessa; isaan nan dhidhiitas.