19 Yeroo kanatti Yoseef akkana isaaniin jedhe: “Hin sodaatinaa. Ani iddoo Waaqayyoon jiraa? 20 Isin kana kan gootan na miidhuuf yoo taʼe iyyuu,+ Waaqayyo garuu akkuma harʼa gochaa jirutti wanta gaariitti jijjiireera; lubbuu namoota hedduu oolchuufis itti fayyadameera.+ 21 Kanaafuu, amma hin sodaatinaa. Ani isinii fi ijoollee keessan warra xixinnoo taʼaniif midhaan nan kenna.”+ Akka kanaan isaan jajjabeesse; karaa isaan tasgabbeessuunis isaanitti dubbate.

21 Achiis Pheexiros dhufee, “Yaa Gooftaa, obboleessi koo cubbuu yoo na irratti hojjete siʼa meeqa dhiifama isaaf godhu? Siʼa torbaa?” jedhee isa gaafate. 22 Yesuusis akkana isaan jedhe: “Ani siin nan jedha, siʼa 77 malee, siʼa torba qofa miti.+

32 Kanaa mannaa gaarummaa walitti argisiisaa, akkasumas garaa waliif laafaa;+ akkuma Waaqayyo karaa Kiristoos tola isiniif dhiise, isinis tola waliif dhiisaa.+