Faarfannaa

114 Israaʼel Gibxii keessaa,

Manni Yaaqoob saba afaan biyya ormaa dubbatu keessaa yommuu baʼetti,+

2 Yihudaan iddoo qulqulluu isaa,

Israaʼelis bulchiinsa isaa ni taʼe.+

3 Galaanichi kana argee baqate;+

Yordaanosis duubatti deebiʼe.+

4 Gaaronni akka korbeeyyii hoolaatti,

Tabbawwanis akka hoolotaatti burraaqan.+

5 Yaa galaanaa, maaltu akka baqattu si godhe?+

Yaa Yordaanos, maaliif duubatti deebite?+

6 Yaa gaarotaa, isin akka korbeeyyii hoolaatti,

Yaa tabbawwanii, isin akka hoolotaatti kan burraaqxan maaliifi?

7 Yaa lafaa, sababii Gooftaatiin,

Sababii Waaqa Yaaqoobiin holladhu;+

8 Inni qarsaa gara bishaan kuufamaa biqiltuudhaan guutametti,

Qarsaa cimaas gara burqaawwan bishaaniitti jijjiira.+