Seenaa Baraa Isa Tokkoffaa
23 Daawit yeroo dulloomee dhumni jireenya isaa dhihaatetti,* ilma isaa Solomooniin Israaʼel irratti mootii godhe.+ 2 Achiis bulchitoota Israaʼel, lubootaa+ fi Leewwota+ hunda walitti ni qabe. 3 Leewwonni warri umuriin isaanii waggaa 30 fi isaa ol taʼe ni lakkaaʼaman;+ isaanis mata mataatti yommuu lakkaaʼaman dhiirota 38,000 turan. 4 Kanneen kana keessaa 24,000 kan taʼan hojii mana Yihowaatti hojjetamu ol aantummaadhaan toʼatu turan; kana malees, geggeessitoonnii fi abbootiin murtii 6,000 jiru turan;+ 5 akkasumas karra eegdonni+ 4,000 kan jiran yeroo taʼu, namoonni 4,000 immoo meeshaawwan muuziqaa Daawit, “Waaqayyoon ittiin jajachuufan isaan tolche” jechuudhaan waaʼee isaanii dubbatetti fayyadamanii Yihowaa jajatu+ turan.
6 Achiis Daawit ilmaan Leewwii, jechuunis garee Geershon, garee Qehaatii fi garee Meraariitiin+ isaan gurmeesse.*+ 7 Geershonota keessaa Laadaanii fi Shimeʼii turan. 8 Ilmaan Laadaan Yehiʼel isa dura buʼaa taʼe, Zetaamii fi Yooʼel+ yeroo taʼan, walumaa galatti sadii turan. 9 Ilmaan Shimeʼii Shelomoot, Haziʼelii fi Kaaraan yeroo taʼan, walumaa galatti sadii turan. Kanneen kun dura buutota manneen abbootii Laadaan turan. 10 Ilmaan Shimeʼii, Yaahaat, Ziinaa, Yeʼuushii fi Beriʼaa turan. Kanneen kun arfan ilmaan Shimeʼii turan. 11 Yaahaat dura buʼaa ture; Ziizaan immoo lammaffaa ture. Haa taʼu malee, Yeʼuushii fi Beriʼaan ilmaan hedduu waan hin qabneef, akka mana abbootii tokkootti lakkaaʼamanii hojiin tokko qofti isaaniif ni kenname.
12 Ilmaan Qehaat Amraam, Yizhaar,+ Kebroonii fi Uuziʼel+ yeroo taʼan, walumaa galatti afur turan. 13 Ilmaan Amraam Aaronii+ fi Musee+ turan. Haa taʼu malee, Aaron, innii fi ilmaan isaa Kutaa Hundumaa Caalaa Qulqulluu Taʼe akka qulqulleessaniif, Yihowaa duratti aarsaawwan akka dhiheessaniif, akka isa tajaajilanii fi yeroo hunda maqaa isaatiin uummaticha akka eebbisaniif,+ yeroo hundumaatiif adda baafamanii turan.+ 14 Ilmaan Musee isa nama Waaqa dhugaa taʼe sanaa garuu gosa Leewwotaa keessatti lakkaaʼaman. 15 Ilmaan Musee Geershomii+ fi Eliiʼezar+ turan. 16 Ilmaan Geershom keessaa Shebuʼel+ dura buʼaa ture. 17 Sanyiiwwan Eliiʼezar keessaa Rehaabiyaan+ dura buʼaa ture; Eliiʼezar ilmaan kan biraa hin qabu ture; ilmaan Rehaabiyaa garuu baayʼee hedduu turan. 18 Ilmaan Yizhaar+ keessaa Shelomiit+ dura buʼaa ture. 19 Ilmaan Kebroon inni dura buʼaa taʼe Yeriyaa yeroo taʼu, ilmi isaa inni lammaffaan Amaariyaa, ilmi isaa inni sadaffaan Yaahaaziʼel, ilmi isaa inni arfaffaan Yeqaamiʼaam+ turan. 20 Ilmaan Uuziʼel+ Miikiyaas dura buʼaa yeroo taʼu, Yishiyaan immoo ilma lammaffaa ture.
21 Ilmaan Meraarii Maahlii fi Muushii turan.+ Ilmaan Maahlii Eleʼazaarii fi Qiish turan. 22 Eleʼazaar ni duʼe; inni ijoollee durbaa qofa malee ijoollee dhiiraa hin qabu ture. Kanaafuu, firoottan* isaanii kan taʼan ilmaan Qiish isaan ni fuudhan. 23 Ilmaan Muushii Maahlii, Edeerii fi Yeremoot yeroo taʼan, walumaa galatti sadii turan.
24 Ilmaan Leewwii warri akka qomoo qomoo isaaniittii fi akka geggeessitoota qomoo qomoo isaaniitti galmeeffaman kanneen kana turan. Leewwonni umuriin isaanii waggaa 20 fi isaa ol taʼe, tajaajila mana Yihowaa keessa jiru akka raawwataniif maqaa isaaniitiin lakkaaʼamanii fi galmeeffamanii turan. 25 Daawitis akkana jedhee ture: “Yihowaan Waaqni Israaʼel saba isaatiif boqonnaa kenneera;+ inni bara baraaf Yerusaalem keessa ni jiraata.+ 26 Kana malees, Leewwonni godoo qulqulluu yookiin miʼawwan tajaajila godoo qulqulluu keessatti raawwatamuuf oolan tokko illee baachuun isaan hin barbaachisu.”+ 27 Akka ajaja isa dhumaa Daawit kennettis, Leewwonni umuriin isaanii waggaa 20 fi isaa ol taʼe ni lakkaaʼaman. 28 Hojiin isaaniis mooraawwan+ sana irratti, kutaawwan nyaataa irratti, wanta qulqulluu taʼe hunda qulqulleessuu irrattii fi hojii tajaajila mana Waaqa dhugaa keessatti barbaachisu kam iyyuu irratti itti gaafatamummaa fudhatanii tajaajila mana Yihowaa keessatti raawwatamu irratti ilmaan Aaron+ gargaaruu ture. 29 Daabboo wal irra tuulamu,*+ daakuu bullaaʼaa aarsaa midhaaniitiif taʼu, maxinnoo haphii,+ bixxillee eelee irratti tolfamuu fi bukoo zayitiin itti makame+ qopheessuu, akkasumas baayʼinaa fi guddina wantoota garaa garaa wajjin wal qabatan safaruu irratti isaan gargaaru turan. 30 Isaan Yihowaa galateeffachuu fi jajachuuf ganama ganamaa+ fi galgala galgala ni dhaabbatu turan.+ 31 Isaan lakkoofsa isaanii ilaalchisee akka seerri ajajutti, guyyoota Sanbataatti,+ guyyoota baatiiwwan haaraattii+ fi waqtiilee ayyaanaatti+ yeroo aarsaan gubamu Yihowaadhaaf dhihaatu hundatti isaaniin ni gargaaru turan; kanas yeroo hunda Yihowaa duratti ni raawwatu turan. 32 Kana malees, isaan dunkaana walgaʼii, iddoo qulqulluu fi ilmaan Aaron warra mana Yihowaa keessatti tajaajilanii fi obboloota isaanii taʼan ilaalchisee itti gaafatamummaa qaban ni raawwatu turan.