Faarfannaa
Faarfannaa Daawit.
2 Inni isa jaalala amanamaa natti argisiisuu fi isa dahoo koo taʼe dha,
Inni iddoo amansiisaa ani kooluu itti galuu* fi isa na oolchu,
Gaachana koo fi isa ani gaaddisa godhadhe dha,+
Inni saboonni akka anaaf bitaman godha.+
3 Yaa Yihowaa, akka isa yaadattuuf namni maali dha?
Akka xiyyeeffannaa isaaf kennituufis ilmi nama duʼuu maali dha?+
6 Bakakkaan akka balaqqeessaʼu godhiitii diina bittinneessi;+
Xiyyawwan kee darbadhuutii isaan burjaajessi.+
7 Gubbaadhaa harka kee diriirsi;
Bishaanota jeeqaman jalaa,
Harka* namoota biyya ormaa jalaa na oolchi, na baraaris;+
8 Isaan afaan isaanii dhara dubbata,
Sobaan kakachuufis harka mirgaa isaanii kaasu.*
9 Yaa Waaqayyo, faarfannaa haaraa siif nan faarfadha.*+
Meeshaa muuziqaa ribuu kudhan qabuun faarfannaa galataa siif nan faarfadha;
10 Inni moototaaf injifannoo* kenna,+
Tajaajilaa isaa Daawitiin goraadee nama galaafatu jalaa ni oolcha.+
11 Harka namoota biyya ormaa,
Warra afaan isaanii dhara dubbatu,
Sobaan kakachuufis harka mirgaa isaanii kaasan jalaa na oolchi, na baraaris.
12 Sana booda, ijoolleen dhiiraa keenya akkuma biqiltoota dafanii guddatanii,
Ijoolleen durbaa keenyas akkuma utubaawwan golee mana mootummaatiif bocamanii ni taʼu.
13 Gootaraawwan keenya oomisha akaakuu hundumaatiin ni guutamu;
Bushaayeewwan dirree keenya keessa jiran kumaatama, kumaatama kudhanis ni taʼu.
14 Loon keenya warri dhaluu jala gaʼan hin miidhaman, hin gatatanis;
Addabaabayiiwwan keenya keessattis iyyi dhiphinaa hin dhagaʼamu.
15 Sabni wanti kun isaaf raawwatamu gammadaa dha!
Sabni Waaqni isaa Yihowaa taʼe gammadaa dha!+