Faarfannaa
Faarfannaa Daawit.
141 Yaa Yihowaa, sin waammadha.+
Na gargaaruuf dafii kottu.+
Yommuun si waammadhu xiyyeeffannaadhaan na dhagaʼi.+
2 Kadhannaan koo si duratti akkuma ixaana+ qopheeffamee,
Harki koo inni ol kaafames akkuma aarsaa midhaanii galgalaa naaf haa taʼu.+
3 Yaa Yihowaa, afaan kootiif eegduu dhaabi,
Balbala afaan kootii akkan eeggadhu na gargaari.+
4 Jalʼootaa wajjin gochawwan hamminaa irratti akkan hin hirmaanneef,
Garaan koo gara wanta hamaatti akka goru hin godhin;+
Ani matumaa nyaata isaanii isa gaarii nyaachuu hin barbaadu.
5 Kun gocha jaalala amanamaa argisiisu waan taʼeef, namni qajeelaan na haa rukutu;+
Kun akkuma zayitii mataa koo irratti dhangalaʼuu waan taʼeef, inni na haa adabu,+
Mataan koos kana matumaa hin didu.+
Yeroo rakkinni isaan irra gaʼetti illee kadhannaa dhiheessuu koo ittan fufa.
6 Abbootiin murtii isaanii qarqara hallayyaa irraa yoo darbataman illee,
Kan nama gammachiisu waan taʼeef, namoonni dubbii koo xiyyeeffannaadhaan ni dhagaʼu.
7 Akkuma namni tokko yommuu lafa qotuu fi bulleessu godhutti,
Lafeewwan keenyas afaan Awwaalaa* biratti ni bittinnaaʼan.
8 Yaa Yihowaa Gooftaa Ol Aanaa, ijji koo garuu gara kee ni ilaala.+
Ani sitti kooluu galeera.
Lubbuu koo hin balleessin.*
9 Mangaagaa kiyyoo isaan naaf kaaʼanii jalaa,
Qamaaxira warra hammina hojjetanii jalaas na eegi.
10 Hamoonni walumaan saaphanuma isaanii keessatti ni kufu;+
Ani garuu nagaadhaan achiin nan darba.