Waaqayyoon Gammachiisuuf Maal Gochuu Qabna?

Wanta gadhee raawwachuurraa fagaadhu. 1 Qorontos 6:9, 10

Yihowaa kan jaallannu yoo taʼe wantoota inni jibbu hin raawwannu.

Yihowaan akka hannu, akka machoofnuufi qoricha sammuu namaa hadoochu akka fudhannu hin barbaadu.

Waaqayyo nama ajjeesuu, ulfa baasuufi gadhaaʼummaa ni balaaleffata. Akka sassatnuufi namoota kaanii wajjin akka wal lollus hin barbaadu.

Waaqayyolii tolfamoo waaqeffachuu ykn gochawwan hafuura xuraaʼoo raawwachuu hin qabnu.

Namoonni wanta hamaa hojjetan lafa Jannata taatu keessa hin jiraatan.

Wanta gaarii taʼe raawwadhu. Maatewos 7:12

Waaqayyoon gammachiisuu yoo barbaanne, fakkeenyasaa hordofuuf carraaquu qabna.

Gaarummaa argisiisuufi arjaa taʼuudhaan namoota akka jaallattu argisiisi.

Amanamaa taʼi.

Ooʼa qabeessaafi dhiifama kan gootu taʼi.

Waaʼee Yihowaafi waaʼee karaawwansaa namootatti himi.—Isaayaas 43:10.