Jireenya Keessan Hundaan Qulqulluu Ta’aa
1 Tajaajiltoota Yihowaa, isa Waaqa qulqulluu waan taaneef, jireenya keenya hundaan qulqulluu ta’uuf carraaquu qabna. (1 Phe. 1:15, 16) Kana jechuun, jireenya keenya hundaan sadarkaa ejjennoo Yihowaa eeguuf carraaqna jechuudha. Walga’iin koonyaa waggaa kanaa, amala qulqulluu argisiisuuf carraa guddaa nuu kenna.
2 Yeroo konkolaataa kee dhaabduufi galma keessatti, obboloota keessumsiisanii wajjin gurmaa’inaan hojjeedhu. (Ibr. 13:17) Warri ijoolleensaanii hiriyyootasaanii wajjin akka taa’an heyyamuu mannaa isaanii wajjin akka taa’an gochuu qabu. Meeshaa eelektiriikaa kamiyyuu daandii galma sana keessa jiru wajjin walqabsisuun hin danda’aamu. Meeshaa sagalees karaa warra kaan hin jeeqneen fayyadamuun ni danda’aama. Suuraa kaasuu yoo barbaaddan yeroosanaaf kaameeraa ifa hin qabneen gargaaramuu qabdu. Xiyyeeffannaa namaa akka hin harkisneef bilbilli moobaayilii cufamuu qaba. Warri ijoolleesaanii qofaa gadhisuu mannaa, amallisaanii Yihowaadhaaf ulfina akka fiduuf isaan to’achuu qabu.—Fak. 29:15.
3 Jireenyi keenya inni qulqulluun warra kaanirraa adda nu baasuusaarrayyuu, Waaqa keenyaaf ulfina fida. (1 Phe. 2:12) Walga’ii koonyaarratti, amalli Dhugaa Baatota Yihowaa sirritti mul’ata. Kanaafuu, jireenya keessan hundaan amala qulqulluu argisiisuuf murteessaa.
[Gaaffiiwwan Qayyabannaa]
1. Jireenya keenya hundaan qulqulluu ta’uun barbaachisaa kan ta’e maaliifi?
2. Bakka walga’ii koonyaatti amala qulqulluu argisiisuun maalfaa dabalata?
3. Amalli walga’ii koonyaarratti argisiisnu Waaqayyoof ulfina kan fidu akkamitti?
[Ibsa fakkii fuula 9rra jiru]
Amala Qulqulluu Argisiisaa
◼ Ijoollee keessan dhihootti to’adhaa
◼ Warra kaaniif yaadaa