Amala Qulqulluu fi Ulfina Guddaa Argisiisuun Dhugaa Akka Fudhatan Taasisa

Haadhotiin manaa Kiristiyaanota taʼan amala gaarii argisiisuun isaanii yeroo baayʼee abbootiin manaa isaanii dhugaa akka fudhatan taasisa. Haa taʼu malee, kun waggoota hedduudhaaf rakkina hedduu dandaʼuu gaafata taʼa. (1Ph 2:21-23; 3:1, 2) Balleessaa kee malee rakkinni si irra gaʼaa jira yoo taʼe wanta hamaa isa gaariidhaan moʼuu kee itti fufi. (Rom 12:21) Fakkeenyi keessan inni gaariin wanta dubbattan caalaa dhiibbaa gaarii isaan irratti gochuu dandaʼa.

Wantoota tokko tokko karaa hiriyaan gaaʼelaa keessan ilaaluun ilaaluuf carraaqqii godhaa. (Flp 2:3, 4) Miira isaanii hubadhaa, gara laafina isaanitti argisiisaa, akkasumas karaa ulfina qabuun itti gaafatamummaa keessan raawwachuuf wanta isiniif dandaʼamu hunda godhaa. Xiyyeeffannaadhaan kan dhaggeeffattan taʼaa. (Yaq 1:19) Obsa qabaadhaa, hiriyaa gaaʼelaa keessan akka jaallattan isaaniif mirkaneessaa. Hiriyaan gaaʼelaa keessan akkuma keessan gaarummaa fi ulfina kan isinitti hin argisiisne taʼu illee, Yihowaan amanamummaa keessan akka dinqisiifatu mirkanaaʼoo taʼuu dandeessu.—1Ph 2:19, 20.

VIIDIYOO YIHOWAAN ITTI GAAFATAMUMMAA KEENYA AKKA BAANU NU JABEESSA JEDHU ILAALAA, ACHIIS GAAFFIIWWAN ARMAAN GADII DEEBISUUF YAALAA:

• Girees Liin yeroo heerumtetti jireenyi ishii maal fakkaata ture?

• Wanti dhugaan Kitaaba Qulqulluu akka ishii hawwatu taasise maali dha?

• Obboleettiin teenya Liin erga cuuphamtee booda haala rakkisaa ishii mudate kan dandamatte akkamitti?

• Obboleettiin teenya Liin abbaa manaa ishii ilaalchisee kadhannaa akkamii dhiheessite?

• Obboleettiin teenya Liin amala qulqulluu fi ulfina guddaa argisiisuun ishii eebba akkamii ishiidhaaf argamsiiseera?