BEEKUMSA DUBBII WAAQAYYOO IRRAA ARGAMU | BAʼUU 33-34

Amalawwan Yihowaa Jaallatamoo Taʼan

Museen amalawwan Yihowaa waan hubateef Israaʼelootatti obsa argisiisuu dandaʼeera. Haaluma wal fakkaatuun, nutis amalawwan Yihowaa akka gaariitti yoo hubanne, namoota hidhata amantii keenyaa taʼanitti gara laafina argisiisuu dandeenya.

“Ooʼa-qabeessaa fi araara qabeessa”: Akkuma warri ijoollee isaanii kunuunsan, Yihowaanis namoota isa waaqeffatan jaalalaan kunuunsa; baayʼees isaaniif ni yaada.
“Aariitti suuta-jedhaa”: Yihowaan tajaajiltoota isaatti obsa ni argisiisa; yeroo dogoggora raawwatanittis isaaniif obsa; akka jijjiiramaniif yeroo isaaniif kenna
‘Jaalalli isaa inni amanamaan baayʼee dha, NW’: Yihowaan saba isaatiif jaalala amanamaa waan qabuuf, michummaan isaanii wajjin qabu bara baraaf itti fufa

Fakkii: Dhugaa Baatota Yihowaa amalawwan Yihowaa ni hordofu. 1. Jaarsoliin gumii lama maatii tokko bira dhaqanii yaada Kitaaba Qulqulluu nama jajjabeessu isaanitti himaa jiru. 2. Obboleettiin tokko obboleettii booʼaa jirtu tokko jajjabeessaa jirti.

AKKANA JEDHII OF GAAFADHU: ‘Gara laafessaa fi araara qabeessa taʼuudhaan fakkeenya Yihowaa hordofuu kanan dandaʼu akkamitti?’