LAAYIBRARII INTARNEETIIRRAA
Masaraa Eegumsaa
LAAYIBRARII INTARNEETIIRRAA
Afaan Oromoo
  • KITAABA QULQULLUU
  • BARREEFFAMOOTA
  • WALGAʼIIWWAN
  • bm kutaa 24 ful. 27-28
  • Phaawulos Gumiiwwaniif Ergaa Barreesse

Filannoo kanaaf viidiyoon qophaaʼe hin jiru.

Dhiifama, viidiyicha taphachiisuun hin dandaʼamne.

  • Phaawulos Gumiiwwaniif Ergaa Barreesse
  • Macaafni Qulqulluun Dhaamsisaa Maalidha?
  • Mata Dureewwan Yaada Wal Fakkaataa Qaban
  • Gorsa Amantii, Amalaafi Jaalala Ilaalchisee Kenname
    Macaafni Qulqulluun Dhaamsisaa Maalidha?
  • Phaawulos Roomaa Keessatti
    Kitaaba koo Isaan Seenaa Macaafa Qulqulluu Ittiin Baradhu
  • Raajonni Hundi Isaaf Dhugaa Ba’aniiru
    Waaqa Dhugaa Isa Tokkicha Waaqeffadhu
  • Jannata Keessaa Ari’aman
    Macaafni Qulqulluun Dhaamsisaa Maalidha?
Dabalataan Ilaaluuf
Macaafni Qulqulluun Dhaamsisaa Maalidha?
bm kutaa 24 ful. 27-28
Under house arrest, Paul dictates a letter

KUTAA 24

Phaawulos Gumiiwwaniif Ergaa Barreesse

Ergaawwan Phaawulos barreesse, gumiiwwan Kiristiyaanaa jaarraa jalqabaa jajjabeessaniiru

GUMIIN Kiristiyaanaa reefuu hundeeffame, yeroo xinnoo booda raawwii kaayyoo Yihowaa keessatti bakka guddaa qabaata ture. Haata’u malee, utuu baay’ee hin turin Kiristiyaanota jaarraa jalqabaarra ari’atamni ni ga’e. Utuma ari’atamni isaanirra ga’uu Waaqayyoof amanamoo ta’anii jiraatuu? Yookiin rakkina gumii keessatti uumameefi balaa guddaa qabu ni mo’uu laata? Caaffanni Qulqullaa’oon afaan Giriikii, ergaawwan 21 kan qabatan si’a ta’u, isaanis gorsaafi jajjabina yeroo sanatti barbaachisaa ta’an kennaniiru.

Ergaawwan kana keessaa kudha afur, jechuunis ergaa warra Roomaarraa jalqabee hanga Ibrootaatti kan barreesse Phaawulos ergamaadha. Maqaan ergaawwan kanaa, nama ykn gumii ergaan kun itti barreeffameen kan moggaafamedha. Yaadawwan ergaa Phaawulosirratti ibsaman tokko tokko ilaali.

Gorsa amala ilaalchisee kenname. Warri halaleen, warri ejjaniifi cubbuu guddaa raawwatan, “mootummaa Waaqayyootti hin galan.” (Galaatiyaa 5:19-21; 1 Qorontos 6:9-11) Namoonni Yihowaa waaqeffatan, lammii isa kam keessaayyuu yoo dhufan, tokkummaa qabaachuu qabu. (Roomaa 2:11; Efesoon 4:1-6) Warri hidhata amantiisaanii ta’an yommuu rakkatan, gammachuudhaan isaan gargaaruu qabu. (2 Qorontos 9:7) Phaawulos, “Kadhata keessan ittuma fufaa malee hin dhiisinaa!” jedheera. Waaqeffattoonni Yihowaa, wanta isaanitti dhaga’amu kadhannaadhaan akka isatti himatan jajjabeeffamaniiru. (1 Tasaloniiqee 5:17; 2 Tasaloniiqee 3:1; Filiphisiiyus 4:6, 7) Kadhannaan keenya Waaqayyo biratti akka dhaga’amu yoo barbaadame, amantiidhaan dhihaachuu qaba.—Ibroota 11:6.

Maatiin gammachuu akka argatu kan gargaaru maalidha? Abbootiin manaa, haadhotii manaasaanii akka dhagnasaaniitti jaallachuu qabu. Haadhotiin manaa, abbootii manaasaaniitiif ulfina guddaa kennuu qabu. Ijoolleen, warrasaaniitiif abboomamuu kan qaban si’a ta’u, kunis Waaqayyoon ni gammachiisa. Warri, seerawwan Waaqayyootti fayyadamanii ijoolleesaanii jaalalaan qajeelchuufi leenjisuu qabu.—Efesoon 5:22–6:4; Qolosaayis 3:18-21.

Map of locations where Paul wrote letters

Kiristiyaanonni kaayyoo Waaqayyoo akka hubatan gargaarsa argatan. Seerawwan Musee hedduun, hanga Kiristos dhufutti Israa’eloota eeguufi geggeessuuf gargaaranii turan. (Galaatiyaa 3:24) Kiristiyaanonni garuu, Waaqayyoon waaqeffachuuf Seericha eeguun isaan hin barbaachisu. Phaawulos Ibrootaaf, jechuunis Kiristiyaanota Yihudoota ta’aniif yommuu barreessu, Seerichi hiika maalii akka qabuufi kaayyoon Waaqayyoo Kiristosirratti akkamitti raawwiisaa akka argate ibseera. Phaawulos, qophiiwwan Seericha keessatti ibsaman hedduun wantoota gara fuulduraatti ta’aniif gaaddidduu akka ta’an ibseera. Fakkeenyaaf aarsaan horii, aarsaa du’a Yesus kan argisiisuufi dhugumaan dhiifama cubbuu kan argamsiisu ture. (Ibroota 10:1-4) Waaqayyo, du’a Yesusitti fayyadamee kakuu Seera Musee waan hambiseef, sana booda Seerichi hin barbaachisu.—Qolosaayis 2:13-17; Ibroota 8:13.

Gumiin Kiristiyaanaa bara durii tokko xalayaan Phaawulos tokko yommuu dubbifamu dhaggeeffachaa jiru

Akkaataa gumiin itti qindaa’urratti qajeelfama kenname. Dhiironni gumii keessatti itti gaafatamummaa argachuu barbaadan, amala gaarii qabaachuufi ulaagaa Macaafa Qulqulluu keessatti ibsame guutuu qabu. (1 Ximotewos 3:1-10, 12, 13; Tiitoos 1:5-9) Waaqeffattoonni Yihowaa, warra hidhata amantiisaanii ta’anii wajjin wal jajjabeessuuf yeroo hunda walga’iirratti argamuu qabu. (Ibroota 10:24, 25) Walga’iiwwan waaqeffannaadhaaf godhaman, kan nama jajjabeessaniifi barumsa kan namaa kennan ta’uu qabu.—1 Qorontos 14:26, 31.

Phaawulos yommuu Ximotewosiif ergaa isa lammaffaa barreesse, Roomaatti hidhamee murtoosaa eeggachaa ture. Lubbuusaanii balaarra buusanii isa gaafachuu kan dhaqan, namoota muraasa turan. Phaawulos yeroon itti ajjeefamu ga’uusaa beeka ture. Kanaaf, “Wal’aansoo isa gaarii sanas dhaabadhee qabeera; dorgomee koos raawwadheera, amantiis eegeera” jedhe. (2 Ximotewos 4:7) Phaawulos, amantiisaatiif jedhee yeroo muraasa booda utuu hin ajjeefamin hin oolle. Haata’u malee, ergaawwan Phaawulos barreesse hanga yoonaatti waaqeffattoota dhugaatiif qajeelfama ta’aniiru.

—Roomaa; 1 fi 2 Qorontos; Galaatiyaa; Efesoon; Filiphisiiyus; Qolosaayis; 1 fi 2 Tasaloniiqee; 1 fi 2 Ximotewos; Tiitoos; Filemon; Ibroota irratti kan hundaa’e.

  • Ergaan Phaawulos, amala ilaalchisee gorsa akkamii qabateera?

  • Phaawulos, raawwii kaayyoo Waaqayyoo keessatti ga’ee Kiristos qabu kan ibse akkamitti?

  • Phaawulos akkaataa gumiin itti qindaa’urratti qajeelfama akkamii kenne?

Sanyichi Abdachiifame Eenyu?

Addaamiifi Hewwaan erga cubbuu hojjetanii booda, Waaqayyo fakkeenyaan bofichatti dubbate. “Ani sii fi dubartittii gidduu, sanyii isheetii fi sanyii kee gidduus diinummaa nan buusa; inni mataa kee in buruqsa, atis koomee isaa in iddita” jedheen. (Uumama 3:15) Caaffanni Qulqullaa’oon, Seexanni ‘bofa bara durii’ ta’uusaa dubbatu. (Mul’ata 12:9) Eenyummaan Sanyichaa ykn Fayyisaa kanaa, dhoksaa jaarraawwan hedduu keessatti suutuma suuta Macaafa Qulqulluurratti ibsamaa dhufedha.

Addaamiifi Hewwaan erga cubbuu hojjetanii gara waggaa 2,000 booda, Yihowaan Sanyichi abdachiifame karaa hidda dhalootaa Abrahaam akka dhufu ibse. (Uumama 22:17, 18) Jaarraawwan hedduu booda Phaawulos ergamaan, Sanyichi abdachiifame adda durummaadhaan Masiihicha, jechuunis Yesus Kiristos akka ta’e dubbate. (Galaatiyaa 3:16) Uumama 3:15 wajjin haala walsimuun, Yesus yommuu ajjeefame fakkeenyaan ‘koomeensaa iddameera.’ Ta’us Waaqayyo, Yesus isa “hafuuraan jiraachifame” du’aa kaaseera.—1 Phexros 3:18.

Waaqayyo, namoonni 144,000 ta’anis kutaa sanyichaa isa lammaffaa akka ta’an kaayyoo qaba ture. (Galaatiyaa 3:29; Mul’ata 14:1) Namoonni kun, Kiristosii wajjin Mootummaa samiirratti mo’uuf jireenya hafuuraa argatanii du’aa kaafamaniiru.—Roomaa 8:16, 17.

Yesus Mootii humna guddaa qabu waan ta’eef, sanyii Seexanaa, jechuunis namoota hamoofi hafuurota hamoo warra duuka buutota Seexanaa ta’an hunda ni balleessa. (Yohannis 8:44; Efesoon 6:12) Bulchiinsi Yesus, namoota Waaqayyoof abboomaman hundumaaf nagaafi gammachuu argamsiisa. Dhumarrattis Yesus, “mataa” bofichaa buruqsuudhaan guutummaatti isa balleessa.—Ibroota 2:14.

    Barreeffamoota Afaan Oromoo (1993-2025)
    Baʼi
    Gali
    • Afaan Oromoo
    • Ergi
    • Filannoowwan
    • Copyright © 2025 Watch Tower Bible and Tract Society of Pennsylvania
    • Walii Galtee
    • Imaammata Mateenyaa
    • Filannaa Dhuunfaa
    • JW.ORG
    • Gali
    Ergi