Ayyaana Yaadannoo Ilaalchisee Yaadachiisawwan Kennaman

Waggaa kanatti Ayyaanni Yaadannoo kan kabajamu Wiixata, Ebla 2 ta’a. Jaarsoliin dhimmawwan kanaa gadiitiif xiyyeeffannaa kennuu qabu:

◼ Sa’aatii ayyaanichi itti jalqabamu yeroo murteessitan, utuu aduun hin lixin dura maxinooniifi wayinichi naanna’uu akka hin qabne yaadadhaa.

◼ Obboleessa haasawaa dhiheessu dabalatee nama hundumaaf, sa’aatiifi iddoon ayyaanichi itti kabajamu beeksifamuu qaba.

◼ Maxinooniifi wayiniin ayyaanichaaf ta’u qophaa’ee taa’uu qaba.—Masaraa Eegumsaa Guraandhala 15, 2003, ful. 14-15 ilaali.

◼ Saaniin, birciqqoon, minjaalliifi uffanni minjaalaa gaariin dursamee gara Galma Mootummaa fidamee iddoosaa kaa’amuu qaba.

◼ Galmi Mootummichaa ykn bakki walga’iif itti fayyadamtan kan biraa dursamee akka gaariitti qulqulleeffamuu qaba.

◼ Keessummeessitoonniifi obboloonni maxinoofi wayinii naannessan, dursanii filatamuufi ga’een hojiisaanii itti himamuu qaba; akkasumas, hojiisaanii akka gaariitti akka raawwataniifi akkaataan uffannaafi filannaasaanii seera qabeessa akka ta’u itti himuun barbaachisaadha.

◼ Obboloota dibamoo humna dhabuusaanitiin kan ka’e ayyaanicharratti hin argamneef maxinoofi wayinicha geessuuf haala mijeessuun barbaachisaadha.

◼ Galma Mootummaa tokkotti gumiiwwan tokkoo ol kan gargaaraman yoo ta’e, balbala duratti, karaarrattiifi bakka konkolaataan dhaabatutti akka wal hin dhiphisneef, gumiiwwan gidduutti qindoominni gaariin jiraachuu qaba.