Yaadachiisawwan Ayyaana Yaadannoo Ilaalchisee Kennaman

Jaarsoliin Ayyaana Yaadannoo ilaalchisee dhimmoota armaan gadiitiif xiyyeeffannaa kennuu qabu:

◼ Utuu aduun hin lixin maxinooniifi wayinichi naanna’uu akka hin qabne yaadadhaa.

◼ Maxinooniifi wayiniin ayyaanichaaf ta’u qophaa’ee ta’uu qaba.—Masaraa Eegumsaa Guraandhala 15, 2003, ful. 14-15 ilaali.

◼ Saaniin, birciqqoon, minjaalliifi uffanni minjaalaa gaariin dursamee gara Galma Mootummaa fidamee iddoosaa kaa’amuu qaba.

◼ Galmi Mootummichaa ykn bakki walga’iif itti fayyadamtan kan biraa dursamee akka gaariitti qulqulleeffamuu qaba.

◼ Keessummeessitoonniifi obboloonni maxinoofi wayinii naanneessan, dursanii filatamuufi ga’een hojiisaanii maal akka ta’e itti himamuu qaba; akkasumas hojiisaanii akka gaariitti akka raawwataniifi akkaataan uffannaafi filannaasaanii seera qabeessa akka ta’u itti himuun barbaachisaadha.

◼ Obboloota dibamoo humna dhabuusaanitiin kan ka’e ayyaanicharratti hin argamneef, maxinoofi wayinicha qopheessuuf haala mijeessuun barbaachisaadha.

◼ Galma Mootummaa tokkotti gumiiwwan tokkoo ol kan gargaaraman yoo ta’e, balbala duratti, karaarrattiifi bakka konkolaataan dhaabatutti wal dhiphisuun akka hin uumamneef gumiiwwan qindoomina gaarii uumuu qabu.

◼ Bakka walga’ii kan biraatti fayyadamtu taanaan, toorri sagalee dabarsuuf tajaajilu jiraachuusaafi dhaggeeffattoonni obboleessa haasawaa dhiheessu akka gaariitti dhaggeeffachuuf kan mijatu ta’uusaa mirkaneessaa.